+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Жеңіс күні қарсаңында Қарағанды облысынан 40 жас әскерге аттанды

2021 жылғы 8 мамыр 22:46
Бөлісіңіз:
Жеңіс күні қарсаңында Қарағанды облысынан 40 жас әскерге аттанды

ҚАРАҒАНДЫ. ҚазАқпарат – Қазақстан армиясы Қарағанды облысынан шақырылған сарбаздармен толықты. Өңірде көктемгі шақыру жалғасуда. Әскерге салтанатты шығарып салу Отан қорғаушылар күні мен Жеңіс күні қарсаңында өтті. Салтанатты шараға облыс әкімі Жеңіс Қасымбек келді, деп хабарлайды ҚазАқпарат тілшісі.

Ұқсас жаңалықтар
Теміртау экологиялық кеңесі қоршаған ортаға қатысты түйткілдерді шешу жолдарын талқылады Арнайы әскери қызметкерлер күні мерекелік күндер тізіміне енді Қарағанды облысында 7 мыңға жуық адам волонтерлікпен айналысады

Өңір басшысы әскерге шақырылушыларды мерекемен құттықтап, табысты қызмет атқаруды тіледі.

«Сіздер бүгін жаңа өмір бастап жатырсыздар. Сіздерді алда үлкен өзгерістер күтіп тұр: жаңа өмірлік тәжірибе мен рухани шынығу, нағыз ер адамның жұмысы – Отанды қорғау. Қиындықтар болады, бұл оңай болмайды, бірақ сіздер біздің аймақтың абыройы мен өздеріңіздің абыройларыңызды түсірмеу үшін қолдан келгеннің барлығын істеулеріңіз керек. Сіздер тек туыстарыңыз бен жақындарыңыздың ғана емес, жалпы еліміздің тірегі және үмітісіздер. Елге қызмет етуге дайын болғандарыңыз үшін, Отанға адал болғандарыңыз үшін рахмет!» – деп Жеңіс Қасымбек әскерге шақырылушыларға үндеу жолдады.

Бүгінде әскерге облыстың әр өңірінен 40 адам шақырылды. Олардың барлығы Ақтаудағы әуе шабуылына қарсы қорғаныс әскерлерінде қызмет етеді.

«Қарағанды облысынан әскерге шақырылушылар Қазақстанның барлық өңірлерінде қызмет етеді. Бұл олардың әскери қызмет өткеру кезінде кез келген климаттық жағдайларға бейімделуіне, сондай-ақ кез келген тактикалық оқу-жаттығуда өз дағдыларын қолдана білуіне байланысты», – деді Қарағанды облысы Қорғаныс істері жөніндегі департаменті бастығының орынбасары Рустам Жалбинов.

Әскерге шақырылушылардың жасы – 18-ден 27 жасқа дейін. Әскери қызмет бір жылға созылады. Көптеген адамдар үшін бұл өмірлік тәжірибе ғана емес, сонымен бірге физикалық және рухани шынығу.

«Өзім қызмет етуге шешім қабылдадым. Отбасымда әскери адамдар жоқ. Мен Балқаштанмын, жасым 23-те. Мен элиталық әскерге түскенімді мақтан тұтамын», – дейді Александр Башкатов.

Көктемгі шақыру 1 наурыздан басталып, 30 маусымға дейін жалғасады. Биыл әскерге барлығы 1 268 адам аттанады. Оларды ҚР ҰҚК Шекара қызметіне, Мемлекеттік күзет қызметіне, Қорғаныс министрлігіне, Ұлттық ұланға, ТЖМ жібереді.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT