+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Жеңіс Қасымбек Жезқазған әкіміне сөгіс жариялады

2019 жылғы 2 қазан 15:28
Бөлісіңіз:
Жеңіс Қасымбек Жезқазған әкіміне сөгіс жариялады

ЖЕЗҚАЗҒАН. ҚазАқпарат – Қарағанды облысының әкімі Жеңіс Қасымбек ауызсумен қамту мәселесіндегі проблемалар үшін Жезқазған қаласының әкімі Қайрат Бегімовке сөгіс жариялады, деп хабарлайды ҚазАқпарат аймақ әкімдігіне сілтеме жасап.

Ұқсас жаңалықтар
Жеңіс Қасымбек алдағы бес жылдағы басымдықтарды атады Жеңіс Қасымбек Қарқаралы ауданының түйіткілдерімен танысып қайтты Қарағандыдағы Жұлдыздар аллеясына Жәния Әубәкірованың атаулы жұлдызы орнатылды

Жеңіс Қасымбек Жезқазғанда болып, қала активінің отырысында нақты жоспарларды жариялады. Мәселен, келесі жылы шаһардың бюджеті ұлғайтылатын болады. Соңғы екі жылда бұл сан екі есеге өскен.

«Келесі жылы қала бюджетін тағы 5 млрд теңгеге ұлғайтуды жоспарлап отырмыз. Бұл қаражатты барынша көп әлеуметтік мәселелерді шешу үшін тиімді пайдалануға тиіспіз», - деді Жеңіс Қасымбек.

Аймақ басшысы қалада халық саны артып келе жатқанын атап өтті. Сондықтан тұрғын үйге қажеттілік туындайтыны анық.

«Маған мәлім еткендей, соңғы жылдары қала тұрғындарының саны артқан. Бұл – жақсы жаңалық. Енді олар үшін үй салу керек. Сол себепті келесі жылдан бастап Жезқазғанда тұрғын үй құрылысын екі есеге ұлғайтамыз. Тек әлеуметтік үйлер ғана емес, ипотекалық, жалға берілетін және коммерциялық үйлер салатын боламыз. 2018 жылы «Нұрлы жер» бағдарламасы бойынша Жезқазғанда екі көпқабатты үй салынды. Биылғы жылы тағы бір 18 пәтерлі жаңа үй тұрғызылады. Ал 2020 жылы 60 пәтерлі үй қолданысқа тапсырылады. Оның құрылысын бастадық», - деді ол.


Жезқаганның коммуналдық мәселелері де назардан тыс қалған жоқ. Соңғы күндері суық сумен қамтамасыз ету мәселесі сын тудырды. Аймақ басшысы Жезқазған қаласының әкімі Қайрат Бегімовке сөгіс жариялады.

«Мен сумен қамтамасыз ету мәселелерімен айналысатын бөлімшенің жұмысына теріс баға бергім келіп отыр. Сондай-ақ «Қазақмыстың» басшылығына осы мәселеге назар аударуларыңызды сұраймын – қаланы сумен жабдықтау мекемелеріндегі басшылық алып отырған лауазымдарына қаншалықты сай келетінін қарастыру қажет», - деп тапсырды Ж.Қасымбек.

Облыс әкімі сондай-ақ қаланың жылу беру маусымына дайындығын сұрады. Ол жергілікті ЖЭО-да болып, жағдаймен танысты. Жезқазғандықтардың үйлері келесі аптада жылу жүйесіне қосуға дайын.

«Жылу беру маусымына қала дайын. Үш жылу трассалары жуылды, қысыммен тексерілді және іске қосуға дайын. 8 қазанда жылу беруді жоспарлап отырмыз. Сонымен қатар, біз жылу құбырларын ауыстырамыз, бұл жұмыстар 2020 жылы аяқталады. Бұл тұрғын үйлерді сапалы жылумен қамтамасыз етуге мүмкіндік береді», - деп түсіндірді Жезқазған қаласының әкімі Қайрат Бегімов. Тағы бір өзекті мәселе - Жезқазған-Қызылорда трассасын жөндеу. Өңір басшысы жобалық-сметалық құжаттаманы дайындау мамыр айында аяқталатынын айтты. Сондай-ақ, келесі жылы қайта құру басталады. Сонымен қатар, Қарағанды-Жезқаған жолы да күрделі жөндеуді қажет етеді. Бұл жұмыстар 2021 жылға жоспарланған. Билік тек көлік қатынасы ғана емес, әуе қатынасында да мәселелерді шешпек. Жергілікті тұрғындардан Жезқазған-Алматы авиарейсін іске қосу туралы өтініш түсті. «Біз бұл рейсті келесі жылы ашуды жоспарлап отырмыз. Барлық қажетті мәселелерді тиісті министрлікпен шешкеннен кейін», - деді Жеңіс Қасымбек. Облыс әкімінің айтуынша, ақсақалдар мен қала тұрғындары айтқан барлық мәселелер шешіліп жатыр. Бірақ бұл уақыт пен қаражатты қажет етеді. «Біз оларды шешу үшін жұмыс істейтін боламыз», - деп қорытындылады аймақ басшысы. Жезқазған өңіріне жұмыс сапары барысында ол мыс балқыту зауытында да болып, кәсіпорынның жоспарымен және жұмысымен танысты.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT