+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Жемқорлыққа жол берген полицейлерге қатысты 50 қылмыстық іс тергеліп жатыр

2019 жылғы 23 қазан 01:21
Бөлісіңіз:
Жемқорлыққа жол берген полицейлерге қатысты 50 қылмыстық іс тергеліп жатыр

АҚТӨБЕ. ҚазАқпарат - Ақтөбе облысы әкімдігінде сыбайлас жемқорлыққа қарсы іс-қимыл мәселелері талқыланды. Бұл туралы облыс әкімінің баспасөз қызметіне сілтеме жасап ҚазАқпарат тілшісі хабарлайды.

Ұқсас жаңалықтар
Шымкент әкімдігі ішкі аудит қызметінің басшысы сотталды Шымкентте білім басқармасының шенеунігі жемқорлық үшін сотталды Қостанайдағы ХҚО директорының орынбасары пара алу күдігіне ілінді

Жиынға облыс әкімінің орынбасарлары, құқық қорғау органдарының, мемлекеттік мекемелердің басшылары, Ақтөбе қаласының әкімі және бейнебайланыс арқылы аудан әкімдері қатысты. Онда әкімшілік айыппұл өндіру мен жемқорлыққа қарсы іс-қимылға қатысты сұрақтар талқыланды. Бас прокуратураның құқықтық статистика және арнайы есепке алу жөніндегі комитеті басқармасының мәліметінше, осы жылдың тоғыз айы ішінде мемлекеттік органдар 172 мыңнан аса құқықбұзушылықты анықтап, 2,1 млрд теңге әкімшілік айыппұл салған. Мемлекетке 1,3 млрд теңге кіріс өндірілді. Әкімшілік айыппұл 70,7% құрайды. Ақтөбе қаласы (55,2%) мен Хромтау ауданында (64,3%) айыппұл өндірудің ең аз пайызы байқалады. Салынған әкімшілік айыппұлдарды өндіру жұмыстарының қорытындысына көңілі толмаған өңір басшысы жұмыстың тиісті деңгейде жүргізілмей отырғанын атап өтті. «Бейнебақылау жүйесі, планшеттер сынды қолда бар мүмкіндіктің барлығын пайдалана отырып осы бағыттағы жұмыстарды күшейту керек. Бастысы жұмысты дұрыс ұйымдастыру қажет. Біздер өз тарапымыздан қолдау көрсетіп, қаражат бөлуге дайынбыз», - деп атап өткен облыс әкімі полиция қызметкерлері үшін планшеттер сатып алуға байланысты мемлекеттік сатып алу конкурсын өткізуді тездетуді тапсырды. Айта кетейік, ең аз айыппұл өндірген - экология департаменті (37,5%) мен полиция органдары (61,2%). Оңдасын Оразалин экология департаментінің басшысы Жақсығали Иманқұловқа экологиялық заңнаманы бұзатын кәсіпорындардан айыппұл өндіру жұмыстарын жандандыруды тапсырды. Сонымен қатар, Ақтөбе облысындағы сыбайлас жемқорлық пен құқықбұзушылық талдауларының нәтижелері қаралды. Осы жылдың тоғыз айы ішінде сыбайлас жемқорлыққа қарсы қызмет 99 қылмысты тіркесе, соның 49-ы ауыр, 60-ы сыбайлас жемқорлық қылмыс. Жүйелі сыбайлас жемқорлықтың бес, ШОБ қызметіне заңсыз араласудың 14 дерегі анықталып, алты облыстық, бес аудандық деңгейдегі басшы жауапқа тартылған. Сыбайлас жемқорлық қылмыстарын анықтау жұмыстары түрлі салаларда жүргізілуде. Талдау көрсеткендей, ішкі істер органдарының қызметкерлері сыбайлас жемқорлық іс-әрекетіне көп барған, оларға қатысты 50 сотқа дейінгі тергеу жұмыстары жүргізілді. Оңдасын Оразалин Ақтөбе қаласының басшылығына жер телімдері мен тұрғын үй бөлу рәсімдерін автоматтандыру жұмыстарын жыл соңына дейін аяқтауды тапсырды. Бұл шаралар сыбайлас жемқорлықтың алдын алу мақсатында қабылданып жатыр. Қала әкімі Мавр Абдуллин мәліметтерді интеграциялау жұмыстары 2020 жылдың басында аяқталатынын айтты. «Жыл соңына дейін бұл сұрақ анық болуы тиіс. Мәліметтер базасын ретке келтіру керек. Сыбайлас жемқорлық қылмысын анықтап, оны істеген адамды жазалау емес, соның алдын алу жұмыстары маңызды. Сондықтан барлық рәсімдерді цифрландыруымыз қажет», - деді өңір басшысы.

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT