Жемқорлық фактісі туралы хабарлаған 7 қостанайлық сыйақы алды

ҚОСТАНАЙ. ҚазАқпарат – Қостанай облысында сыбайлас жемқорлық және пара алу қылмыстары бойынша мемлекетке 457 млн теңге шығын келтірілген, деп хабарлайды ҚазАқпарат облыстық сыбайлас жемқорлыққа қарсы күрес департаментінің баспасөз қызметіне сілтеме жасап.
Бүгінде аталған қаражаттың 414 миллион теңгесі қазынаға қайтарылған. Жыл басынан бері білім беру, денсаулық сақтау, тұрғын үй коммуналдық шаруашылығы және құрылыс салаларында қылмыс жасағандар тіркелген.
«Осы салаларда сыбайлас жемқорлық қауіпті деңгейге жетіп отыр. Жыл басынан бері 86 қылмыс тіркелген. Мемлекеттік сатып алу жүйесі бойынша да заң бұзушылыққа жол беріледі. Бұл бағытта «Қостанай – адалдық алаңы» жобалық кеңсесі мониторинг жүргізеді. Соның нәтижесінде бюджеттік 115 млн теңге үнемделді. Ал арнайы мониторингтік топ карантин уақытында дәріханалардағы бағаларды тексеріп, сырттан келген гуманитарлық көмектердің дұрыс бөлініп, таратылуын бақылады. Осы уақытқа дейін 114 сыбайлас жемқорлық тәуекелдері тіркелді. Бұлар негізінен экология, тұрғын үй коммуналдық шаруашылығы, жер қатынастарына жауапты мекемелерге қатысты», - деп атап өтті Сыбайлас жемқорлыққа қарсы күрес қызметінің бас маманы Евгений Бедычке.
Соңғы 6 айда жемқорлық фактісі туралы хабарлаған облыстың жеті тұрғынына сыйақы берілген. Бұл мақсатта жарты миллион теңге жұмсалды.
- Карантин: Қостанай облысында шектеу шаралары қайта күшейді
- Қостанайда құрылыс алаңында тұрған вагон өртенді
- Алматыда 147 млрд теңгеге жалған шот-фактуралар жазылған - прокуратура
- Қостанай облысында 9700 тұрақты жұмыс орны ашылады
-
«Қызыл» аймақтағы Қостанай облысында бүкіл оқушылар қашықтан оқиды
-
Қостанай облысында жол жөндеуге 1,2 млрд теңге бөлінді
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам