USD 436.29 EUR 492.83
RUB 5.92 CNY 68.48
Jańalyqtar

Жемқорлығы үшін сотталған Ақтөбе қаласы әкімінің орынбасары жазасын бостандықта өтейді

2021 жылғы 27 тамыз 20:00
Бөлісіңіз:
Жемқорлығы үшін сотталған Ақтөбе қаласы әкімінің орынбасары жазасын бостандықта өтейді

АҚТӨБЕ. ҚазАқпарат - Ақтөбе қаласы әкімінің орынбасары Жангелді Әубәкіров пен қалалық тұрғын үй-коммуналдық шаруашылық бөлімі басшысының міндетін атқарушы Нұрлан Досовқа қатысты сот үкімі өзгерді. Олар жазасын бостандықта жүріп өтейді, деп хабарлайды ҚазАқпарат тілшісі.

Ұқсас жаңалықтар
Шымкентте жемқорлыққа қарсы мәдениетті қалыптастыруға қатысты форум өтті «Қазақстан темір жолының» үш қызметкері вагоннан астық ұрлаған Квазимемлекеттік сектордағы компаниядан 450 млн теңге жымқырған күдікті ұсталды

Ақтөбе қаласы әкімінің орынбасары Жангелді Әубәкіров, қалалық тұрғын үй – коммуналдық шаруашылық бөлімі басшысының міндетін атқарушы Нұрлан Досов, мердігер мекеме басшысы С.Жанасбаев, бас есепші Д.Дүйсемби, жеке кәсіпкер Н.Мұстафинге қатысты қылмыстық іс қаралып, олар 5 жылдан 7 жылға дейін бас бостандығынан айырылған

болатын.

Кейін іс Ақтөбе облыстық сотының қылмыстық істер жөніндегі сот алқасында қаралып, сот үкімі өзгертілді, сотталғандардың іс-әрекеттері қайта сараланды.

Іс материалына сүйенсек, Ақтөбе қаласы әкімінің орынбасары Жангелді Әубәкіров 2019 жылы қалалық тұрғын үй - коммуналдық шаруашылық бөлімі басшысының міндетін атқарушы Нұрлан Досовты «КДС-Астана» ЖШС-мен келісімшартқа отыруға, жаңа жылдық безендіру үшін 100 млн теңге ақша аударуға көндірген. Досов бюджет қаражатынан серіктестіктің есепшотына 30 млн теңге аударды. Содан кейін орындалған жұмыстар актісіне қол қойды, тағы 70 млн теңгені берді. Бұл ретте жаңа жылдық әшекейлерді жеткізу жүзеге асырылмады. Прокурор бірінші сатыдағы соттың үкімін өзгеріссіз қалдыруды сұрады. Сотталғандар мен олардың қорғаушы адвокаттары үкімнің күшін жоюды және сотталғандарды ақтауды сұрады.

«Қылмыстық кодекстің 361-бабы 4-бөлігінің санкциялары 7 жылға дейінгі мерзімге бас бостандығын шектеу не сол мерзімге бас бостандығынан айыру түріндегі балама жазаны көздейді. Алқа қылмыстық жауаптылық пен жазаны жеңілдететін мән-жайларды, атап айтқанда, кінәні мойындауы, олардың әрқайсысының кәмелет жасқа толмаған баласының бар екені, алғаш рет қылмыстық жауапқа тартылғаны, жұмыс орны мен тұрғылықты жері бойынша жақсы мінездемесі назарға алынып, Жангелді Әубәкіров пен Нұрлан Досовқа 4 жыл мерзімге бас бостандығын шектеу түріндегі жаза,

С.Жанасбаев, Д.Дүйсемби, Н.Мұстафиннің әрқайсысына 3 жыл мерзімге бас бостандығын шектеу түріндегі жаза тағайындалды. Барлық сотталғандар өмір бойы мемлекеттік қызметте жұмыс істеу құқығынан айырылды. Сот үкімі заңды күшіне енді», - деп хабарлады облыстық соттың баспасөз қызметі.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT