+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Желтоқсанда Байқоңырдан 3 зымыран-тасығыш ұшырылмақ

2021 жылғы 26 қараша 09:58
Бөлісіңіз:
Желтоқсанда Байқоңырдан 3 зымыран-тасығыш ұшырылмақ

БАЙҚОҢЫР. ҚазАқпарат – 2021 жылдың соңғы айында Байқоңыр ғарыш айлағынан 3 ұшырылым жасау жоспарланып отыр, деп хабарлайды ҚазАқпарат тілшісі.

Ұқсас жаңалықтар

Еске сала кетсек, 2021 жылдың 24 қарашасында «Прогресс М-УМ» көліктік жүк кемесі мен «Причал» түйінді модулі бар «Союз-2.1б» зымыран-тасығышы сәтті ұшырылды. «Причалдың» Халықаралық ғарыш станциясымен сәтті түйісуін Нұр-Сұлтан уақытымен сағат 20:30-дан бастап roscosmos.ru сайтынан көруге болады. Бұл – жыл басынан бері Байқоңыр ғарыш айлағындағы есеп бойынша 11-ші ұшырылым.

Жоспарға сәйкес, 2021 жылдың желтоқсанында Байқоңырдан тағы 3 ұшырылым белгіленген. 2021 жылдың 8 желтоқсанында «Союз МС-20» көліктік басқарылатын кемесі бар «Союз-2.1а» зымыран-тасығышын ғарышқа жөнелту көзделген. Экипаждар бір аптаға жуық уақыт Байқоңырда старт алдындағы даярлықтан өтіп жатыр.

12 желтоқсанда орта санаттағы «Экспресс-АМУ3», «Экспресс-АМУ»7 геостационарлық телекоммуникациялық аппараттары бар «Протон-М/Бриз-М» зымыран-тасығышы ұшырылмақ. Ал 27 желтоқсанда Байқоңырдан OneWeb спутниктерінің кезекті партиясы тиелген «Союз-2.1б» зымыран-тасығышын ұшыру белгіленді.


Авторы Сара Қабиқызы


Біздің каналымызға жазылыңыз:

Бөлісіңіз:

Автор:

Зарина Туғанбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT