Жел, тұман, көктайғақ – сейсенбіге арналған ауа райы

НҰР-СҰЛТАН. ҚазАқпарат – Сейсенбіде еліміздің кей жерлерінде тұман түсіп, жаяу бұрқасын соғады, көктайғақ болады, жел күшейеді, деп хабарлайды ҚазАқпарат Қазгидрометке сілтеме жасап.

Ұқсас жаңалықтар

«Қазгидромет»: СҚО-да ауа райына байланысты ескерту жарияланды

Қазақстанның басым бөлігінде қар жауады – сейсенбіге арналған ауа райы Алты облыс аумағында ауа райына байланысты ескерту жарияланды «Қазгидромет» алдағы үш күннің ауа райы болжамын жариялады

1 желтоқсанда фронталды бөліктердің әсерінен оңтүстікте, оңтүстік-батыста кей жерлерде жаңбыр немесе қар жауады, солтүстік, шығыс, оңтүстік-шығыс және орталықта – аздап қар жауады. Қазақстанның қалған бөлігінде антициклон әсерінен жауын-шашынсыз ауа райы күтіледі. Еліміздің кей жерлерінде тұман түсіп, жаяу бұрқасын соғады, көктайғақ болады, жел күшейеді.

Түркістан облысының кей жерлерінде тұман түсіп, жаяу бұрқасын соғады, желдің жылдамдығы 15-20 м/с жетеді.

Жамбыл облысының кей жерлерінде тұман түседі, жел күшейіп жылдамдығы 15-20 м/с жетеді, күндіз өңірде көктайғақ болуы ықтимал.

Алматы облысында түнде және таңертең кей жерлерде тұман түсуі мүмкін, күндіз Жалаңашкөл ауданында жел 15-20 м/с жетеді.

Қызылорда, Маңғыстау, күндіз Қарағанды ​​облыстарында кей жерлерде жел 15-20 м/с күшейеді, Маңғыстау облысында кей жерлерде көктайғақ болуы ықтимал.

Ақмола, Батыс Қазақстан, Қостанай, Солтүстік Қазақстан, Павлодар, Шығыс Қазақстан облыстарында тұман түсуі ықтимал, Ақмола облысының кей жерлерінде – жаяу бұрқасын соғады.