Жексенбіде Қазақстанда ауа райы қандай болады
Атмосфералық фронттардың өтуіне байланысты Қазақстанның басым бөлігінде циклонның ықпалы сақталады. Сонымен байланысты кей жерлерде жауын-шашын болады, таулы аудандарда, республиканың оңтүстік және оңтүстік шығысында қалың қар жауып, тұман, көктайғақ болады; жел күшейіп, бұрқасын болады.
Жамбыл, Оңтүстік Қазақстан облыстарының кей жерлерінде желдің күшеюі 15-20 м/с, тұман, көктайғақ, бұрқасын болады.
Шығыс Қазақстан облысында бұрқасын болады, түнде желдің жылдамдығы 15-20 м/с-ға жетеді.
Алматы облысында тұман күтіледі, Жалаңашкөл ауданында желдің жылдамдығы 18-23 м/с-ға дейін күшейеді.
Маңғыстау, Қызылорда облыстарының кей жерлерінде тұман, көктайғақ күтіледі.
Ақмола облысында тұман, бұрқасын күтіледі. Батыс Қазақстан, Атырау, Қостанай, Солтүстік Қазақстан, Павлодар, Қарағанды облыстарында, түнде және таңертен Ақтөбе облыстарының кей жерлерінде тұман күтіледі.