Жексенбіде еліміздің көп бөлігінде жел күшейеді
Синоптиктердің болжамынша, атмосфералық ағындардың өтуіне байланысты Қазақстанның басым бөлігінде құбылмалы ауа райы сақталады, кей жерлерде найзағайлы жаңбыр жауады, жел күшейеді, бұршақ болуы ықтимал, оңтүстікте - шаңды дауыл соғады. Тек еліміздің батысында күн райы ашық болады.
Ақмола, Қостанай облыстарының күндіз кей жерлерінде желдің жылдамдығы 15-20 м/с-ге жетеді, бұршақ жаууы мүмкін. Кей жерлерінде найзағай күтіледі.
Алматы облысының күндіз кей жерлерінде найзағай жарқылдайды, жел 15-20 м/с күшейеді.
Жамбыл, Оңтүстік Қазақстан облыстарының кей жерлерінде желдің күші 15-20, күндіз екпіні 23-28 м/с жетеді, найзағай, дауыл, бұршақ күтіледі. Қызылорда облысының кей жерлерінде шаңды дауыл соғып, жел 15-20 м/с үдейді.
Солтүстік Қазақстан облысының кей жерлерінде желдің күшеюі 15-20, күндіз екпіні 25 м/с жетеді, кей жерлерінде дауыл, бұршақ болуы мүмкін.
Павлодар, Шығыс Қазақстан, Қарағанды облыстарының кей жерлерінде желдің күші 15-20 м/с жетеді, найзағай, дауыл күтіледі, күндіз бұршақ болуы мүмкін.
Атырау облысының басым бөлігінде, Маңғыстау, Шығыс Қазақстан облыстарының кей жерлерінде қатты ыстық сақталады.
Маңғыстау облысының басым бөлігінде, Атырау, Ақтөбе, Қызылорда, Оңтүстік Қазақстан, Жамбыл , Шығыс Қазақстан облыстарының кей жерлерінде өте жоғары өрт қаупі күтіледі.