+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Жекешелендіру: Осы уақытқа дейін қанша нысан сатылды

2018 жылғы 11 желтоқсан 11:37
Бөлісіңіз:
Жекешелендіру: Осы уақытқа дейін қанша нысан сатылды

АСТАНА. ҚазАқпарат - Үкіметтің бүгінгі отырысында жекешелендіру жоспарын орындау барысы қаралды, деп xабарлайды ҚазАқпарат тілшісі.

ҚР Қаржы министрі Әлиxан Смайыловтың айтуынша, бүгінде жекешелендірудің кешенді жоспарына 922 нысан кіреді. Соның ішінде 48 нысан биыл қосымша тізіммен енгізілді. 2016 жылдан бері 532 нысан сауда-саттыққа шығарылып, 465-сі сатылып кетті. Одан түскен табыстың сомасы 296 млрд теңгені құрады.

«Бүгінде 96 нысан сату алдындағы дайындық кезеңінде. 287 нысан қайта ұйымдастырылуда және таратылуда. Олардың 160-сы қайта құрылған және таратылған. 7-уін жекешелендіру тізімінен алып тастады. Осылайша, қайта ұйымдастырылатын, таратылатын және тізімнен алып тастауға жататын нысандарды қоса есептегенде жекешелендіру жоспарының орындалуы бүгін 88 процентті құрайды», - деді Ә.Смайылов.

Министрдің сөзіне қарағанда, биыл 243 нысан сатуға шығарылады деген жоспар болған. Алайда іс жүзінде 155 нысан аукционға шығарылып, олардың 88-і 117 млрд теңгеге сатылды. Жылдың аяғына дейін тағы 8 нысан саудаға шығарылатын болады.

«58 топ-нысанның 34-і сауда-саттыққа шығарылып, олардың 18-і сатылды. Одан 136 миллиард теңге түсті. Бір нысан осы жылдың 28-ші желтоқсанына қарай саудаға шығарылатын болады. Ол - Қазақавтожол. Үш топ-нысан мемлекеттік комиссияның шешімімен тізбеден алып тастауға жатады. Бір нысан таратылуда. 10 топ-нысанды сату мерзімі 2019-2020 жылдарға белгіленген. Тағы 9 нысанды сату мерзімі келесі жылға ауыстыруға жатады», - деп атап көрсетті Ә.Смайылов.

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT