11:02, 16 Мамыр 2023 | GMT +6
Жекешелендіру: Мемлекет 33 нысанды сатылымға шығарды
АСТАНА. ҚазАқпарат – Жекешелендіру жоспары аясында 33 нысан сатылуға қойылды. Бұл туралы Үкімет отырысында Премьер-Министрдің орынбасары – Қаржы министрі Ерұлан Жамаубаев айтты, деп хабарлайды ҚазАқпарат тілшісі.
«Жекешелендірудің 2021-2025 жылдарға арналған кешенді жоспарында 669 нысанды сату көзделген. Есепті кезеңде 312 млрд теңге сомасына 368 нысан сатылды және кейіннен сатып алу құқығымен сенімгерлік басқаруға берілді», - деді Ерұлан Жамаубаев.
Оның дерегінше, 33 нысан сатылуға қойылды.
«62 нысан қайта ұйымдастырылды және таратылды. 206 нысан сату алдындағы дайындықта тұр», - деді Қаржы министрі.