+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Жеке кәсіпкерлікті банк қосымшалары арқылы ашуға болады

2021 жылғы 13 қаңтар 16:00
Бөлісіңіз:
Жеке кәсіпкерлікті банк қосымшалары арқылы ашуға болады

НҰР-СҰЛТАН. ҚазАқпарат - Дара кәсіпкер ретінде қызметтің басталғаны туралы хабарламаны www.egov.kz порталында, сондай-ақ Kaspi.kz, Halyk Bank банк қосымшаларына жіберуге болады, деп хабарлайды ҚазАқпарат тілшісі.

Ұқсас жаңалықтар
СҚО: Карантинде медқызметкерлерді тамақпен, жатын орынмен қамтыған кәсіпкер марапатталды

Жеке кәсіпкерлікті ашу үшін жеке тұлғадан дара кәсіпкер ретінде қызметтің басталғаны туралы хабарлама жіберу жеткілікті.

«Бұдан былай қазақстандықтар Halyk Bank мобильді қосымшасында іске асырылған жаңа сервистің көмегімен үйден шықпай-ақ жеке кәсіпкерлікті тіркей алады. Осыған дейін бұл хабарламаны www.egov.kz электрондық үкімет порталында, сондай-ақ Kaspi.kz қосымшасында жіберу мүмкіндігі болған», - делінген ҚР ҚМ Мемлекеттік кірістер комитеті баспасөз қызметінің мәліметінде.

Хабарламаны Halyk Bank қосымшасында бірнеше батырманы басу арқылы жіберуге болады. «ЖК болу» сілтемесі бойынша өтсе жеткілікті. Одан кейін, жүйе алдағы қадамдарды ұсынады. Сондай-ақ, жеке кәсіпкерлікті ашудың барлық процесі 5 минуттан аспайды.

Ескере кететін жайт, нысанды толтыру кезінде жеке тұлға қызметті жүзеге асыруды жоспарлап отырған облыстың мемлекеттік кірістер органының кодын, дара кәсіпкердің атауын, мекенжайын, жүзеге асырылатын қызмет түрін, сондай-ақ салық салу режимін таңдауы керек.

Хабарламаға жеке тұлғаның электронды цифрлық қолтаңбасымен қол қою керек. Келесі күні жеке кәсіпкер ретінде тіркеуді Мемлекеттік кірістер комитетінің www.kgd.gov.kz сайтында тексеруге болады.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT