Жедел желі 1414: сенім телефоны қазақстандықтарға қалай көмектеседі
2022 жылғы 10 қаңтар 12:06

Жедел желі 1414: сенім телефоны қазақстандықтарға қалай көмектеседі

НҰР-СҰЛТАН. ҚазАқпарат - Қазақстандықтар психологиялық көмек алу үшін 1414 жедел желісіне жүгіне бастады. Негізінен, террористік актілерден зардап шеккен немесе психоэмоционалды проблемалары бар адамдар жедел байланыс арнасына қоңырау шалуда, деп хабарлайды ҚазАқпарат.

Ақпарат және қоғамдық даму министрлігі және Цифрлық даму, инновациялар және аэроғарыш өнеркәсібі министрлігі бірлесіп, барлық мұқтаж адамдарға, әсіресе террористердің әрекеттерінен кейін зардап шеккендерге кәсіби психологиялық көмек көрсету үшін 1414 бірыңғай байланыс орталығының негізінде жедел желі құрды. 24/7 режимінде жүгінушілермен кәсіби психологтар жұмыс істейді.

Желінің жұмысы туралы біз сенім телефонының психологы Варвара Поляковамен сөйлестік.

- Қазақстандықтар қандай мәселелермен жиі жүгінеді?

- Адамдар көбінесе стресстік жағдайға байланысты қоңырау шалады. Соғыс басталуы мүмкін деген тәрізді уайымдаулар. Біреу қала көшелерінде қатты дыбыстардан кейін қоңырау шалды. Елдегі жағдайға байланысты мәселелерге ғана емес, сонымен қатар жеке мәселелерге де қатысты өтініштер бар.

Осыған қарамастан, әзілдеу үшін қоңырау шалатындар да бар. Бұл біздің психологтардың уақытын алады. Біз психологтардың қолдауына мұқтаж адамдарға көмектесе аламыз. Егер біреу көңіл көтергісі келсе, сізден басқа жолдарды табуыңызды сұраймын. Жедел желіні ұстамаңыз.

- Сіз адамдарға қандай қолдау сөздерін табасыз?

- Біздің басты міндетіміз - адамды ресурстық жағдайға келтіру, мазасыздық, стресс және дүрбелең сезімін жою.

- Осы күндері психологтардың өздері күйзелісті қалай жеңді?

- Жеке өзім қорқыныш сезімін болдырмадым. Себебі мен адамдарға керек екенімді түсіндім. Маған көмек сұраған адамдарға пайдалы болу үшін мүмкіндігінше жігерлі болуым керек.

- Сіз қазақстандықтарға қандай кеңес бере аласыз, осы күндері өзіңізді психологиялық тұрғыдан қалай реттеуге болады?

- Мазасыздықты жеңе алмайтындардың барлығына таныс психологтарға немесе біздің сенім телефонына кәсіби көмек сұрауға кеңес беремін.

Сондай-ақ, қызметті ауыстыру өте пайдалы: оқу, туыстарымен сөйлесу, музыка тыңдау және т. б.

Жақын адамдармен бірігіп, көбірек сөйлесу керек, бастысы - проблемалар мен қорқыныштарға бой алдырмау, жалғыз болмау.


Jańalyqtar

MURAǴAT