Жайық өзенінің Каспийге шығар тұсына тікенді сымдар тартылды

АТЫРАУ. ҚазАқпарат - Атырауда Жайық өзені арқылы Каспий теңізіне шығар жол жабылып, тікенді сымдар тартылды, деп хабарлайды ҚазАқпарат тілшісі.

«Мамандандырылған табиғат қорғау прокуратурасымен келісе отырып, инспекция браконьерлік фактілердің алдын алу және жолын кесу бойынша жұмыстар жүргізуде. Бекет, кедергі құрылғылары және мұзойықтар Жайық өзенінің Кіші Дамба тұсына жасалды. Бұл, бір жағынан суды қосымша ауаландыру, сондай-ақ көлік құралымен өтуге әрекеттенген табиғатты қорғау заңнамасын бұзушылар үшін кедергі болып табылады. Қойылған бекетке барлық ескерту және хабарландыру белгілері орнатылды. Түнгі уақытта бекет пен мұздағы ойықтар жарықтандырылып тұрады», - деді Атырау облыстық орман шаруашылығы және жануарлар дүниесі аумақтық инспекциясының ресми өкілі Олег Тушканов.

 

Авторы Андрей Соколов