Жайық өзеніне 7 млн-нан астам бекіре тұқымдас балықтың шабағы жіберілді

None
None
АТЫРАУ. ҚазАқпарат - Жайық өзеніне 7 млн-нан астам бекіре тұқымдас балықтың шабағы жіберілді, деп хабарлайды ҚазАқпарат.

«Бекіре тұқымдас балық түрлерін сақтау және оларды тұрақты пайдалануды реттеу мақсатында арналған балық ресурстарының өсімін молайту жөніндегі мемлекеттік тапсырыс шеңберінде Атырау бекіре балық өсіру зауыты мен Жайық-Атырау бекіре балық өсіру зауыты Жайық өзеніне 7 млн аса бекіре тұқымдас балығының шабағын жіберді.

2020 жылғы мемлекеттік тапсырыс шеңберінде 75 млн дана құнды балық түрлерінің шабақтарын табиғи мекендеу ортасына жіберу көзделіп отыр», деп жазды Экология, геология және табиғи ресурстар министрлігінің орман шаруашылығы мен жануарлар дүниесі комитетінің баспасөз хатшысы Сәкен Ділдахмет Facebook парақшасында.

Оның айтуынша, жыл басынан бері республиканың су қоймаларына 51,5 млн-нан аса құнды балық түрлерінің шабақтары жіберілді, оның ішінде 7 млн-нан астам бекіре тұқымдас балық бар. Мемлекеттік тапсырысты қазан айында аяқтау жоспарланып отыр.

Еске сала кетсек, кеше Атырауда Жайыққа бекіре тұқымдас балықтың 3,6 млн-нан астам шабағы жіберілген болатын.



Соңғы жаңалықтар