17:46, 13 Тамыз 2019 | GMT +6
Жәйремдегі төбелес: сотқа дейінгі тергеп-тексеру басталды
ҚАРАҒАНДЫ. ҚазАқпарат – Қарағанды облысының полиция қызметкерлері Жәйрем тау-байыту комбинатында төбелескендерге қатысты сотқа дейінгі тергеп-тексеру амалдарын жүргізіп жатыр, деп хабарлайды ҚазАқпарат тілшісі.
«Бұзақылық әрекет дерегі бойынша сотқа дейінгі тергеп-тексеру басталды. Тергеу органдары оқыс оқиғаның егжей-тегжейін анықтап жатыр», - деп мәлімдеді Қарағанды облысы полиция департаментінің баспасөз қызметі.
Құқық қорғау органдары қызметкерлерінің айтуынша, қазір Жәйрем кентіндегі жағдай тұрақты.
Еске сала кетейік, 12 тамызда Жәйрем тау-байыту комбинатының жұмысшылары арасында қақтығыс болып, бірнеше шетелдік қызметкер жеңіл жарақат алған еді.
Агата Мұхамеджанова