Жаяу жүргіншіні қағып өлтірген автобус жүргізушісі сотталды - БҚО

ОРАЛ. ҚазАқпарат - Орал қалалық сотының үкімімен автобус жүргізушісі В.Солянчиков ҚР ҚК 345-бабы 3-бөлігімен айыпты деп танылып, 2 жыл 6 айға сотталды.

БҚО сотының баспасөз қызметінен түскен мәліметке қарағанда, ол сонымен бірге үш жылға көлік құралын басқару құқығынан айырылды. Сотталушы сот залында қамауға алынды.

Сот талқысында белгілі болғанындай, В.Солянчиков автобусымен жаяу жүргіншіні қағып кеткен. Марқұм сол оқиға орнында көз жұмған.