Жауапты хатшыларды қысқарту мемаппараттың жұмысына әсер етпейді – Жайылғанова

НҰР-СҰЛТАН. ҚазАқпарат – ҚР Мемлекеттік қызмет істері агенттігінің төрағасы Анар Жайылғанова министрліктерден жауапты хатшылардың қысқартылуына қатысты пікір білдірді, деп хабарлайды ҚазАқпарат тілшісі.
«Министрліктердегі жауапты хатшылардың жұмысы мемлекеттік аппараттың тұрақтылығын қамтамасыз етіп, билік вартикальын бекемдейтіні, Президент Әкімшілігінің жеке ведомстволарға бақылауын күшейтіп, министерлерді әкімшілік-кадрлық жұмыстардан босатып, олардың негізгі күш-қуатын саяси маңызы бар істерге жұмылдырар деп күттік. Сонымен бірге жауапты хатшылар институтының негізгі тапсырмасы – саяси мемлекеттік қызметшілер ауысқан жағдайда мемлекеттік органдардың кадрларының сақталуын қамтамасыз ету еді. Алайда мемлекеттік қызметтегі карьералық модельге ауысуымен бұл құрал өзінің маңыздылығын жоғалтып алды», - деді Анар Жайылғанова ОКҚ-да өткен баспасөз мәслихатында.
Оның айтуынша бұрын жауапты хатшылар Мемлекет басшысы Президент Әкімшілігінің ұсынуымен және Үкімет басшысының келісімімен тағайындалатын.
«Нормативті-құқықтық құжаттарға өзгерістер енгізілгеннен кейін министрліктердегі аппарат басшыларын министрдің өзі Президент жанындағы кадрлық саясат жөніндегі ұлттық комиссияның келісімімен тағайындайтын болды. Жауапты хатшылар қысқартылғаннан кейін олардың міндеттері аппарат басшыларына беріледі. Аппарат басшыларында «А» корпусының мәртебесі сақталар деген ойдамыз», - деді агенттік басшысы.
Сонымен қатар Анар Жайылғанова жауапты хатшыларды қысқарту мемлекеттік аппараттың жұмысына әсер етпейтінін мәлім етті.
«Бұл тапсырманы орындау үшін агенттік заңнамалық түзетулер пакетін әзірледі. Ол осы жылдың соңына дейін қабылданады», - деді ол.
- СҚО-да былтыр 1 мыңнан астам жүргізуші мас күйде ұсталды
- Коронавирустың өршуі: Алматыда санитарлық шаралар күшейтілді
- 2020 жылы «Еңбек» мемлекеттік бағдарламасына 649 мың адам қатысты
- Әділет министрлігінің биылғы басым міндеттері айқындалды
-
2020 жылы мемлекеттік қызметтердің сапасына дәлелді шағымдар болған жоқ
-
Өткен жылы атқарушылық іс құжаттары 69,9 пайызға орындалды
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам