Жауапсыз мердігерлердің кесірінен әлеуметтік нысандар құрылысы кешеуілдеп жатыр - Сағынтаев
«Nur Otan» партиясының қоғамдық қабылдауындағы азаматтарды кезекті қабылдау көптеген өтініштердің ұзақ қаралатынын, салдарынан тұрғындардың жылдап табанына таусылатынын көрсетті. Аудан әкімдері мен басқарма басшылары өтініштерді сапалы зерттеп, қалалықтарға олардың шешімін табуына көмектесуі тиіс. Осы жұмыстар бойынша мемлекеттік органдар және бастауыш партия ұйымдарының қызметтерін бағалаймын»,–деп жазды қала әкімі өзінің Instagram парақшасында.
Бақытжан Сағынтаевтың айтуынша, азаматтарды қабылдаған соң қалалық филиалдың аппараттық жиыны өткен. Партиялық бақылауы инженерлік инфрақұрылым объектілерінің, коммуникациялардың жолдар мен әлеуметтік объектілер құрылыстарының кестеден тыс қалуы жұмысшы қолы мен техника жетіспейтін мердігерлердің жауапсыздығы салдарынан болатынын көрсетті.
«Партия мердігерлердің жұмысын күнделікті бақылайды. «Бастауыштардың» жұмысын күшейту үшін тренингтер өткіземіз және ақпараттық жұмысты күшейтеміз, олар жоқ жерлерде бастауыш партия ұйымдарын құрамын»,– деп қосты ол.