«Жасылелдіктер» Оралда «Таза аула» іс-шарасын ұйымдастырды

ОРАЛ. Шілденің 30-ы. ҚазАқпарат /Ғайсағали Ералы/ - «Жасыл ел» жастар еңбек жасақтары облыстық штабы Орал қаласында «Таза аула» іс-шарасын ұйымдастырды,

 деп хабарлайды ҚазАқпарат тілшісі.

Облыстық штаб менеджері Ермек Мұхамбетқалиевтің айтуынша, «Жасыл ел» сарбаздары қаладағы бірнеше көпқабатты үйдің ауласын ретке келтірді. Нақтылап айтқанда, әткеншектер мен орындықтарды сырлау, тал-теректердің түбін қопсыту, әктеу, кіреберістерді қалыпқа келтіру жұмыстары атқарылды.

Жалпы, «Жасыл ел» жасақтары жаз бойы еселі еңбек етуде. Ертең Орал қалалық мәдениет және демалыс саябағында еңбек семестрінің екінші кезеңі қорытындыланады.