2016 жылғы 23 ақпан 21:31

Жасыл желекті заңсыз отаған мейрамхана басшылығы аллея отырғызуға міндеттелді - Алматы

АЛМАТЫ. ҚазАқпарат - Алматыда бірнеше талды заңсыз кескені үшін «Пугасов» мейрамханасының әкімшісі жұмыстан қуылды. Енді мейрамхана басшылығы мемлекет қазынасына 63 630 теңге айыппұл төлеуге міндеттелді.

Бұл туралы әкімдіктің баспасөз қызметі хабарлады.

Аталған заңсыздықты қалалық Табиғатты пайдалануды реттеу және табиғи ресурстар басқармасының қызметкерлері анықтаған.

Басқармадан хабарлағандай, ағаштарды кесуге рұқсат берілмеген. ҚР ӘқК 386 бабы бойынша ЖШС-ға 30 АЕК, яғни 63 630 теңге көлемінде айыппұл салынды.

Мейрамхана басшылығы 10 наурызға дейін оталған ағаш орнында 60 жас шыбық отырғызуға міндеттелді.

Серіктестер жаңалықтары

Jańalyqtar

Үрдіс

MURAǴAT