USD 434.84 EUR 498.2
RUB 5.72 CNY 68.47
Jańalyqtar

«Жасыл Қазақстан» ұлттық жобасы қашан қабылданады

2021 жылғы 2 ақпан 12:13
Бөлісіңіз:
«Жасыл Қазақстан» ұлттық жобасы қашан қабылданады

НҰР-СҰЛТАН. ҚазАқпарат – «Жасыл Қазақстан» ұлттық жобасы осы жылдың 1 шілдесіне қарай қабылданады. Бұл туралы Үкімет отырысында ҚР Экология, геология және табиғи ресурстар министрі Мағзұм Мырзағалиев айтты, деп хабарлайды ҚазАқпарат тілшісі.

«Жасыл Қазақстан» ұлттық жобасы 7 негізгі бөлімнен тұрады: су нысандарын сауықтыру, ауаның ластану деңгейін төмендету, қалдықтарды басқару, биоалуантүрлілікті сақтау, елді көгалдандыру, энергия тиімділігі, экологиялық білім және экологиялық мәдениетті арттыру. Бұл ауаның ластану деңгейі жоғары 10 қала - Теміртау, Нұр-Сұлтан, Алматы, Ақтөбе, Атырау, Өскемен, Қарағанды, Балқаш, Жезқазған, Шымкент қалаларындағы жағдайды жақсартуға мүмкіндік береді», - деді ол.

Бұдан бөлек, министрдің айтуынша, 2025 жылға қарай сарқынды суларды ағызу көлемін төмендетуге қол жеткізуді, қалдықтарды қайта өңдеу үлесін ағымдағы 18 пайыздан 35 пайызға дейін арттыруды, сондай-ақ елдің жалпы ішкі өнімінің энергия сыйымдылығын азайту жоспарланған.

«Екі ұлттық жобаны әзірлеу және бекіту жұмыстары осы жылдың бірінші шілдесіне қарай аяқталады», - деді Мағзұм Мырзағалиев.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT