«Жасыл ел» жастары Премьерге үндеу жолдады
«Қазақстан жастары конгресінің және «Жасыл ел» жастар еңбек жасақтарының Республикалық штабы атынан ҚР Премьер-Министріне ресми үндеу жолданды. Ресми сауалға Премьер-Министр Асқар Маминнің төрағалығымен өткен Үкіметтің селекторлық отырысында 2020-2025 жылдарға арналған «Нұрлы жол» мемлекеттік бағдарламасын жүзеге асыру аясында биыл пайдалануға берілетін республикалық маңыздағы жолдардың көлемі артатыны туралы хабарлама себеп болды. Сондай-ақ Үкімет басшысы құрылыс маусымын уақытында бастауды, құрылыс қарқынын жеделдету мен жоспарланған тұрғын үй көлемін уақытылы пайданалуға беруді тапсырды», - делінген «Жасыл ел» мәліметінде.
Жалпы, бұған дейін жасылелдіктер «Батыс Еуропа – Батыс Қытай» көлік дәлізі мен EXPO-2017 халықаралық мамандандырылған көрмесі нысандарының құрылысына, «Ауылдың гүлденуі – Қазақстанның гүлденуі» республикалық марафон-эстафетасын ұйымдастыру жұмыстарына белсенді қатысқан еді.
Естеріңізге сала кетсек, 21 сәуірде Премьер-Министр Асқар Маминнің төрағалығымен өткен Үкіметтің селекторлық отырысында 2020-2025 жылдарға арналған «Нұрлы жол» мемлекеттік бағдарламасын жүзеге асыру мәселелері қаралған болатын. Онда Үкімет басшысы Индустрия және инфрақұрылымдық даму министрлігіне әкімдіктермен және «ҚазАвтоЖол» ҰК» АҚ-мен бірлесіп, осы жылы жоспарланған көлемнің уақытылы пайдалануға берілуін қамтамасыз етуді, реконструкцияланған 5,7 мың шақырым учаскеде (Қапшағай – Талдықорған, Қызылорда – Шымкент – Тараз, Нұр-Сұлтан – Павлодар және т. б.) автомобиль жолдарында төлем жүйесін енгізу жұмысын аяқтауды тапсырды.
фото: www.facebook.com/groups