«Жасыл» аймақтағы Маңғыстау облысында карантин жеңілдетілді
Маңғыстау облысы коронавирус ахуалын бағалау матрицасында «жасыл» аймақта орналасуына байланысты өңірде карантиндік шектеулер жеңілдетілді.
Облыста күшейтілген санитариялық-дезинфекциялық режимді сақтай отырып, азық-түлік және азық-түлік емес ашық және жабық базарлардың, супермаркеттердің, гипермаркеттердің қызметіне рұқсат етілді.
Сондай-ақ, санитарлық нормаларды сақтай отырып, сауда және ойын-сауық орталықтарының, сауда үйлерінің, сауда желілерінің, спорт кешендерінің, спорттық-сауықтыру орталықтары мен фитнес орталықтарының, монша, йога-орталықтарының жұмысы жанданды.
Мемлекеттік органдар (ұйымдар), ұлттық компаниялар, бизнес-орталықтар және басқа да офистер қызметкерлерінің 30% қашықтықтан жұмыс режиміне және 70% күндізгі жұмыс режиміне ауысады.
Балалардың ойын-сауық орталықтарына (ойын алаңдары, ашық және жабық үй-жайлардағы аттракциондар) сыйымдылықты 30% асырмай жұмыс істеуге рұқсат.
Ал, мейрамхана, дәмхана және кофехана типі бойынша қоғамдық тамақтану объектілері сыйымдылықты 50%, бірақ 50 орыннан асырмай сағат 07:00-ден 02:00-ге дейін күшейтілген санитариялық-дезинфекциялық режимді сақтай отырып жұмыс істей алады.
Қаулы 2021 жылғы 17 мамыр, сағат 00:00-ден бастап күшіне енеді.