Жастармен жұмыс барысында ведомствоаралық қатынасты күшейту маңызды - Дәурен Абаев
«Тұңғыш Президент «ел келешегі жас ұрпақ тәрбиесімен тікелей байланысты» деген. Сондықтан мемлекеттік жастар саясатының мақсаты - оларға толыққанды рухани, мәдени білім беру, кәсіби және физикалық тұрғыдан жан-жақты қолдау білдіру. Жастар саясатын тиімді жүзеге асыру үшін ведомстволық қарым-қатынасты күшейту маңызды. Сондықтан да әр сала бойынша сапалы жұмыс жүргізіп, бұл бағытты жан-жақты дамыту қажет», - деді министр.
Оның айтуынша, жастармен жұмыс жүргізу бойынша қажетті нормативтік-құқықтық, ұйымдастырушылық және концептуалдық база бірқатар құжатта көрсетілген. Мемлекеттік органдардың жауапкершілігі «Мемлекеттік жастар туралы» Заңмен белгіленген. Ал стратегиялық бағыты «2020 болашаққа жол» мемлекеттік жастар саясаты тұыжырмдамасында көрініс табады. Сондай-ақ жастардың осал топтарымен, яғни жұмысы жоқ, еңбек етуге, білім алуға ынталанбайтын жастармен жұмыс істеуге бағытталған жол картасы да бар.
«Сол топтарды еңбекке тарту, жұмыспен қамтуды қарастырып отырмыз. Жастарымыздың қоғамдық сана-сезімін ояту, жаңашылдыққа ұмтылуға жол ашу үшін рухани бағдарламасын іске асыру бойынша іс-шаралар жоспары қабылданды.
ҚХА-мен тығыз қарым-қатынас орнаттық. Мақсатымыз - жастарымызды толеранттылық бағытында, шыдамдылық пен жоғары этика тұрғысында тәрбиелеу», - деді Д.Абаев.