+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Жастар саясаты аясында ұйымдастыру іс-шараларының саны 10 есе қысқарады - Абаев

2019 жылғы 4 қараша 11:37
Бөлісіңіз:
Жастар саясаты аясында ұйымдастыру іс-шараларының саны 10 есе қысқарады - Абаев

НҰР-СҰЛТАН. ҚазАқпарат - Жастар саясаты аясында ұйымдастыру іс-шараларының саны 10 есе қысқарады. Бұл туралы бүгін Мәжілістегі Үкімет сағатында ҚР Ақпарат және қоғамдық даму министрі Дәурен Абаев айтты, деп хабарлайды ҚазАқпарат тілшісі.

«Жастар жылының іске асырылу барысын талдау қорытындысы бойынша біз мемлекеттік жастар саясатын одан әрі жетілдіруге бағытталған мынадай шараларды әзірледік. Біріншіден, біз 2021 жылғы жоспарлы бюджетке түзетулер енгізуге бастамашылық етеміз. Осыған сәйкес шығыстардың кемінде жартысы жастарға арналған қолжетімді жалға берілетін тұрғын үй салуға және оны еңбекпен қамтуды қамтамасыз етуге бағытталатын болады», - деді Дәурен Абаев.

Оның айтуынша, екіншіден Мемлекет басшысының тапсырмасына сәйкес жастар саясаты аясында ұйымдастыру іс-шараларының саны, сондай-ақ, баспа өнімдерін шығару 10 есеге қысқартылмақ.

«Үшіншіден, жастар саясатының арнайы шараларымен қамту көрсеткіші жастардың жалпы санының төрттен біріне дейін жеткізіледі. Төртіншіден, Жастар саясаты шараларымен қамтылған әрбір жасқа арналған жиынтық шығыстар 500 мың теңгеге дейін жеткізіледі. Бесіншіден ұқсас халықаралық рейтинг негізінде Жастардың даму индексі әзірленетін және енгізілетін болады. Біз жастар саясатының қандай бағыттары одан әрі жетілдіруді қажет ететінін білетін боламыз», - деді министр.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT