+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Жасөспірімді көлігімен қаққан Риддер әкімінің бұрынғы орынбасары кінәсін мойындады

2018 жылғы 27 маусым 15:40
Бөлісіңіз:
Жасөспірімді көлігімен қаққан Риддер әкімінің бұрынғы орынбасары кінәсін мойындады

РИДДЕР. ҚазАқпарат - 26 маусым күні Риддер қалалық сотында жол-көлік оқиғасына қатысты сот отырысы өтті. Сот барысында күдікті - Риддер қаласы әкімінің бұрынғы орынбасары Бауыржан Құрманбаев қаза болған жігіттің әке-шешесінен кешірім сұрап, барлық артылып отырған кінәні мойындайтынын айтты, деп хабарлайды ҚазАқпарат Аltaynews сайтына сілтеме жасап.

«Сізге шын қайғыра көңіл айтатынымды ешбір сөз жеткізе алмас. Отбасыларыңызға үлкен қайғы әкелдім. Мені кешіре алсаңыздар. Істеген ісіме толығымен өкінемін», - деді Б.Құрманбаев.

Экс-шенеунік сол күні рульде мас күйінде болғанын да растады. Тергеу барысында оның қанынан 0,8 промилле мөлшерінде алкоголь анықталған. Бұл оның жеңіл дәрежеде мас болғанын көрсетеді. Сондай-ақ сараптама автокөліктің 88 км/сағ жылдамдықпен келе жатып жігітті соққанын анықтады.

Күдіктінің айтуынша, қараңғы мезгілде қарама-қарсы келе жатқан машинаның жарығы көзіне шағылысып, ол жол жиегін көрмей қалған. Соққыны сезгеннен кейін барып тежегішке басқан.

Белгілі болғандай, БМВ Х5 көлігін Құрманбаев оқиғадан екі апта бұрын ғана сатып алған.

Сот процесінде адвокат судьяға Құрманбаевтың алғыс хаттары мен грамоталарын, қала әкімі берген мінездемесін, әкесінің сырқат екенін растайтын құжаттарды ұсынды.

Іс бойынша үкім бүгін шығарылатыны күтілуде. Сот отырысы 16.30-ға белгіленді.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT