Жасөспірім боксшы қыздар құрамасына жаңа бапкер келді

НҰР-СҰЛТАН. ҚазАқпарат – Қазақстанның бокстан жасөспірім қыздар командасына жаңа бас бапкер тағайындалды, деп хабарлайды ҚазАқпарат.

ҚР Бокс федерациясынан мәлім еткендей, енді жасөспірім боксшы қыздар құрамасын Қазақстанның еңбек сіңірген жаттықтырушысы Елдос Сайдалин жаттықтырады.

34 жастағы Е. Сайдалин АҚШ Ұлттық Олимпиадалық комитеті мен Делавэр университеті бірлесіп дайындаған Халықаралық олимпиадалық комитеттің халықаралық бағдарламасы бойынша арнайы курсты тәмамдаған.

Ол 2004 жылғы жастар арасындағы әлем чемпионатының жүлдегері, ересектер арасындағы Азия чемпионатының финалисі және 2004-2005 жылдары ел біріншілігінің жеңімпазы атанған.