02:24, 20 Шілде 2020 | GMT +6
Жасмин Тілеумбетова «Славян базары» конкурсында жүлдеге ие болды
ВИТЕБСК. ҚазАқпарат – Қазақстандық Жасмин Тілеумбетова «Витебск-2020» және «Славян базары» халықаралық балалар музыкалық конкурсында екінші жүлдені иеленді, деп хабарлайды ҚазАқпарат Белта агенттігіне сілтеме жасап.
Витебскіде «Витебск-2020» және «Славян базары» халықаралық балалар музыкалық конкурсының қорытындысын шығарды. Гран-приді белоруссиялық қатысушы Ангелина Ломако еншіледі.
Литвадан келген Криступас Кэрулис конкурстың I жүлдесіне ие болды. Екінші жүлдені қазақстандық Жасмин Тілеумбетова және ресейлік Владимир Серков өзара бөлісті.
Молдовалық Богдана-Бьянка Вистерничану және украиндық Анастасия Мартынюк III жүлде лауреаттары атанды.
Биылғы жылы «Славян базары» балалар конкурсына 17 елдің өкілдері қатысты. Бұл өнер байқауы 18 шілдеде өткізілді.