+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Жарылғыш зат туралы жалған ақпарат берген 70 жастағы қария жазасын алды

2017 жылғы 24 ақпан 16:28
Бөлісіңіз:
Жарылғыш зат туралы жалған ақпарат берген 70 жастағы қария жазасын алды

АҚТӨБЕ. ҚазАқпарат - Ақтөбеде жарылғыш зат туралы жалған ақпарат берген 70 жастағы қария жазасын алды. Сот Жақсылық Батановты 2 жыл қоныс колониясында жазасын өтеуге үкім шығарды. Қарияның қылмыстық ісі рақымшылыққа ілігіп, жазасының тең жартысы шегерілді, деп хабарлайды ҚазАқпарат тілшісі.

2016 жылдың маусымында тіркелген лаңкестік оқиғадан соң Ақтөбе қаласында қауіптіліктің қызыл деңгейі, кейін сары деңгейі жарияланған болатын. Сол кезде 70 жастағы қария «қалалық электр жүйесі мекемесінің ғимаратына жарылғыш зат қойылды» деп телефон шалып, полиция, Ұлттық қауіпсіздік комитетінің облыстық департаменті мен арнайы жасақ сарбаздары әбігерге түсті. Оқиға 11 қараша күні тіркеліп, телефон шалған күдікті көп ұзамай ұсталды.

«Қылмыстық кодекстің «Терроризм актісі туралы көрінеу жалған хабарлау» бабы бойынша айыпталып, сот шешімімен 2 жыл қоныс колониясында жазасын өтеу үкімі тағайындалды. Рақымшылыққа ілігіп, жазаның тең жартысы қысқартылды. Ол 10 ай, 16 күнін қоныс колониясында өтейді»,- деді облыстық соттың баспасөз қызметі.

Сот үкімі кезінде қарияның жасы, отбасылық жағдайы, бұрын сотталмағандығы, ескерілді. Сотталушы жалған хабарлама берген кезде ішімдік ішкені де анықталды. Ол сот отырысы кезінде, яғни, 1,5 ай бойы үйқамақта отырды.

Айта кетейік, сотталушы Жақсылық Батанов облыстық ішкі істер департаментіне 65, Ұлттық қауіпсіздік комитетінің облыстық департаментіне 14, төтенше жағдайлар қызметіне 47, апаттық медицина орталығына 8 және электр тоғын таратушыларға 221 мың теңге материалдық шығынды өтейді.

Сот үкімі күшіне енген жоқ.

Біздің каналымызға жазылыңыз:

Бөлісіңіз:

Автор:

Алтынай Сағындықова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT