Жарты жылда 850 адам көлік апатынан көз жұмған
ҚР ІІМ әкімшілік полиция комитеті төрағасының орынбасары Әлібек Кенісбаевтың айтуынша, жарты жылдың ішінде 9 425 адам көлік апатынан жарақат алған. Бұл туралы ол орталық коммуникациялар қызметінің брифингте мәлімдеді.
«Өткен жартыжылдықтармен салыстырғанда жол-көлік оқиғаларының саны 5 пайызға артқан. Ал қаза тапқандар саны 8 пайызға көп. Жол қозғалысының апаттылық деңгейін тұрақтандыру мақсатында жолдарда бақылау күшейтілді. Жыл басынан бері полиция қызметкерлері жол ережесін бұзған 2,8 млн адамды ұстады. Оның 103,5 мыңы әкімшілік жауапкершілікке тартылды. 17,6 мың жүргізуші көлік айдау құқығынан айырылды, 1 742 адам әкімшілік қамауға алынды», - деді Әлібек Кенісбаев.
Еске салсақ, аталмыш брифингте Республикалық жолдарда жылдамдық тіркейтін автоматты жүйе орнатылатыны айтылған болатын.
Ал шетелден әкелінген көліктер Қазақстан аумағында онлайн тіркелуі мүмкін.