Жәрмеңке: СҚО елордаға 100-ден астам тауар түрін жеткізді

НҰР-СҰЛТАН. ҚазАқпарат – Елордада Солтүстік Қазақстан облысының ауыл шаруашылығы өнімдері жәрмеңкесі өтіп жатыр, деп хабарлайды ҚазАқпарат тілшісі.

Ұқсас жаңалықтар

Мақтааралда бос жұмыс орындарының жәрмеңкесі өтті

Сапарбаев Көкшетауда өткен азық-түлік жәрмеңкесін аралап көрді Арыс қаласында «Алтын күз–2019» жәрмеңкесі өтті Тараздағы жәрмеңкеде 54 тоннаға жуық өнім сатылды

«Елордадағы жәрмеңкеге СҚО-дан 700 тоннадан астам өнім жеткізілді. Экологиялық таза өнім болғандықтан астаналықтар кезекке тұрып алып жатыр. Және біздің жәрмеңкеде нарықтан төмен бағамен сатылуда, яғни нарықтан 20-25 пайызға дейін төмен. Жалпы биылғы ауа-райының қолайсыздығына қарамастан өңірімізде дәнді дақылдарды жинау барысы сәтті жүзеге асырылды. Астаналықтардың арасында біздің сүт және сүт өнімдері жоғары сұранысқа ие, апта сайын 10 тоннадан астам аталған өнімді Нұр-Сұлтан қаласына жібереміз. Одан бөлек елордалықтардың арасында біздің ет, сүт, жұмыртқа және көкөністерге сұраныс жоғары», - деді Солтүстік Қазақстан облысының әкімі Құмар Ақсақалов жәрмеңкеде.

Әкімнің айтуынша, жәрмеңкеге 100-ден астам солтүстік қазақстандық тауар өндіруші кәсіпорындар қатысып жатыр.

Солтүстік Қазақстан облысының жәрмеңкесінде ет және ет өнімдерін, кондитерлік өнімдер, жарма түрлері, қымыз, бал және көкөністер мен жеміс-жидектер тағы да басқа өнімдер сатылымға қойылған.

Жәрмеңкеде КТ «Зенченко и К», ИП «Пальчик», «Масло-Дел» ЖШС, «Максимальный размах» ЖШС, «Фирма Алекри» ЖШС, Мамлютский мукомольный комбинат, «Султан-ММК» ЖШС өз өнімдерін астана халқына ұсынуда.

Екі күнге созылатын ауыл шаруашылық өнімдері жәрмеңкесі елордадағы «Хан Шатыр» ойын-сауық алаңында өтіп жатыр.