+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Жәрмеңке: Қостанай облысы астанаға 50 тонна ет алып келеді

2021 жылғы 14 қазан 07:21
Бөлісіңіз:
Жәрмеңке: Қостанай облысы астанаға 50 тонна ет алып келеді

НҰР-СҰЛТАН. ҚазАқпарат - 16-17 қазан күндері Нұр-Сұлтанда Қостанай облысының ауылшаруашылық жәрмеңкесі өтеді, деп хабарлайды ҚазАқпарат.

Ұқсас жаңалықтар

Елорда әкімдігінің ресми сайтында мәлім етілгендей, жәрмеңке «Хан Шатыр» сауда, ойын-сауық орталығының жанындағы алаңда өтеді.

Екі күн ішінде облыстың 14 ауданы мен 3 қаласынан 50-ден астам кәсіпорын өз өнімдерін ұсынады. Оның ішінде: Алтынсарин, Әулиекөл, Денисов, Жітіқара, Қарабалық, Қарасу, Қамысты, Қостанай, Меңдіқара, Наурызым, Сарыкөл, Таран, Федоров, Ұзынкөл аудандары және Арқалық, Рудный, Қостанай қалалары бар.

Облыс кәсіпорындары 270 тонна көлемінде 100-ден астам өнім түрлерін: 50 тонна ет, 31 тонна сүт өнімдері, 20 тонна шұжық өнімдері мен жартылай фабрикаттар, 27 тонна жарма мен макарон өнімдері, 60 тонна картоп пен көкөніс, 20 тонна ұн өнімдерін алып келеді.

Сондай-ақ, сатылатын өнімдердің ассортиментіне нан-тоқаш, кондитерлік өнімдер, бал және басқалар кіреді.

Бағалар нарықтық бағадан 10-15% төмен болады.

Айта кетейік, биыл елордада әлеуметтік маңызы бар азық-түлік өнімдерінің бағасын тұрақтандыру мақсатында көкөністер мен жемістердің пісу мерзімін ескере отырып, 14 жәрмеңке өткізу жоспарланған. Олар 31 қазанға дейін жалғасады.

21 тамыздан бастап бүгінге дейін астанаға Түркістан, Батыс Қазақстан, Шығыс Қазақстан, Қызылорда, Алматы, Атырау, Жамбыл, Ақтөбе, Қарағанды, Павлодар және Маңғыстау облыстарының ауылшаруашылық тауар өндірушілері жәрмеңкемен келген болатын.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT