Қолданушы баптаулары
Қолданушы баптаулары
+7 (701) 759 90 19 Лента
USD 384.05 EUR 432.79
RUB 5.96 CNY 55.46
Jańalyqtar

Жаркенттегі өнер мектебіне Дәнеш Рақышевтың есімі берілді

2019 жылғы 23 мамыр 11:14 486
Бөлісіңіз:
Жаркенттегі өнер мектебіне Дәнеш Рақышевтың есімі берілді

ЖАРКЕНТ. ҚазАқпарат - Алматы облысы Панфилов ауданының орталығы - Жаркент қаласындағы Өнер мектебіне Қазақстанның халық әртісі Дәнеш Рақышевтың есімі берілді.

Салтанатты шарада Панфилов ауданының әкімі Темірлан Бектасов көпшілікке құттықтау тілегін жолдап, өнер мектебі қабырғасындағы Дәнеш Рақышевтың есімі жазылған тақтайшаны салтанатты түрде ашты.

Бұдан соң ҚР Мемлекеттік сыйлығының иегері, халықаралық «Алаш» сыйлығының лауреаты, жазушы, тарихшы, Бексұлтан Нұржекеұлы сөз алып, Дәнеш Рақышевтың өмір жолдарынан құнды естеліктерімен бөлісті.

Салтанатты шара Жаркенттегі мәдениет үйінде «Ұлы даланың жеті қыры: Туған жер. Өлкетану. Тарих. Мәдениет» атты облыстық ғылыми-тәжірибелік конференцияға ұласты. Конференцияның мақсаты - жаһандану дәуірінде ұлттық мәдениеттің жетістіктерін жоғалтпау, сонымен қатар, ұлттық мәдениетті дамыту және оны насихаттау, туған өлкенің тарихына үңілу, құнды деректер мен материалдарды жинақтап жүйелеу. Онда қатысушылар туған өлке тарихын тану, тарихи жәдігерлерді сақтау, келешек ұрпаққа жеткізу жолдарын қарастыру секілді өзекті мәселелерді көтерді. Жаркент қаласынан тарих және өлкетану мұражайын ашу туралы ұсыныстар айтылды.

Елбасының Рухани жаңғыру бағдарламасы аясында өткізілген конференцияда ауданның тарихы мен тұлғалары ғұмырынан сыр шертіліп, баяндамашылар құнды ақпараттарымен бөлісті.

Айта кетейік, көзі тірісінде-ақ «Жетісудің бұлбұлы» атанған Қазақстанның халық әртісі Дәнеш Рақышевтың «Шаттық толқыны», «Жас қайрат», «Жер сұлуы Жетісу», «Саясында алманың», «Жеңеше» секілді әндері көпшілікке танымал.

Біздің каналымызға жазылыңыз:

Басты сөздер: Алматы облысы, Өнер,
Бөлісіңіз:

Автор:

Нұрәділ Бегімбет

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT