Қолданушы баптаулары
Қолданушы баптаулары
+7 (701) 759 90 19 Лента
USD 384.05 EUR 432.79
RUB 5.96 CNY 55.46
Jańalyqtar

Жаркент колледжіндегі оқиға: Директор қызметінен кетті

2019 жылғы 11 қаңтар 22:19 1916
Бөлісіңіз:
Жаркент колледжіндегі оқиға: Директор қызметінен кетті

ТАЛДЫҚОРҒАН.ҚазАқпарат -  Алматы облысының Жаркент қаласындағы Көпсалалы колледждің оқытушысы студентті ұрып, балағаттаған оқиғадан кейін мекеме директоры өз еркімен жұмыстан кетті, деп хабарлайды ҚазАқпарат тілшісі.

«Жаркент көпсалалы колледжінің директоры өз еркімен жұмыстан кетті. Ал оқушыны жұдырықтап, балағаттаған дене шынықтыру пәні оқытушысының жалпы еңбек өтілі 8 жыл. 1985 жылы туған ер адам биылғы оқу жылынан бастап осы колледжде жұмыс істейді», - деді облыстық білім басқармасының басшысы Дәурен Жүнісов.

Естеріңізге сала кетейік, 10 қаңтар күні Жаркенттегі көпсалалы колледждің оқытушысы студентті балағаттап, ұрып-соққан видеосы әлеуметтік желіде таралған болатын.

Осы оқиғадан кейін арнайы комиссия құрылып, 33 жастағы ұстаздың үстінен ҚР ҚК-нің «Кәмелетке толмаған адамды тәрбиелеу жөнiндегi мiндеттерiн орындамау» 140-бабы бойынша қылмыстық іс қозғалды. Егер Жаркенттегі педагог кінәлі деп танылса, 3 жылға дейін қызметінен айырылуы мүмкін немесе айыппұл төлеп, қоғамдық жұмысқа тартылып не болмаса 40 тәулікке дейінгі мерзімге қамаққа алыну жазасы қолданылады.

Айта кетерлігі, бұған дейін колледж директорына сөгіс беріліп, колледж оқытушысы жұмыстан шеттетілгенін хабарлаған болатынбыз.

 

 

Біздің каналымызға жазылыңыз:

Басты сөздер: Білім, Алматы облысы,
Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT