Валюта бағамдары:
    usd/kzt 460.43 eur/kzt 501.04

    rub/kzt 6.65 cny/kzt 67.89
Ауа райы:
Астана-13-15℃
  Jańalyqtar  >

Жәрдемақы үшін банктің жеке сәйкестендіру кодын алу тәртібі жеңілдетілмек

2022 жылғы 4 желтоқсан, 12:35

АСТАНА. ҚазАқпарат – Мемлекет тарапынан жәрдемақы алуға өтініш білдірген азаматтар енді банктің жеке сәйкестендіру кодын өзінің тікелей қатысуынсыз аша алады. Бұл туралы ашық талқыға шығарылған Ұлттық банк қаулысында көрсетілген, деп хабарлайды ҚазАқпарат тілшісі.

«Жәрдемақылар мен әлеуметтік төлемдерді төлеу мақсатында клиент атына жеке сәйкестендіру кодын ашу клиенттің уәкілетті органға берген өтініші негізіндегі мәлімет бойынша жүзеге асыруына жол беріледі. Бұл қызмет клиенттің қол қоюын талап етпейтін банк шотын ашу туралы өтінішіне теңестіріледі», - деп көрсетілген құжатта.

Енді азамат мемлекет тарапынан берілетін жәрдемақыны алу үшін жергілікті уәкілетті органға жүгініп, тисті құжаттарды тапсырады. Тиісінше, ол ұсынған ақпараттарды құзырлы орган банкке жеке сәйкестендіру кодын ашу үшін жолдайды. Осылайша, азаматтың бұл процесске тікелей қатысып, қол қоюы міндетті болмайды. Дегенмен, өтініш мақұлданып, жәрдемақы тағайындалса, онда клиент өзінің шотына түскен ақшаны бірден пайдалана алмайды. Ол үшін азамат банкпен қызмет көрсету шартын жасасуы қажет. Осыдан кейін қаржы операциялары функциясын қолдана алады.


Автор:

Әлихан Асқар

Новости по теме
Ұқсас жаңалықтар
Серіктестер жаңалықтары