+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Жапониядағы Хагибис дауылынан қаза тапқандар саны 35-ке жетті

2019 жылғы 14 қазан 10:52
Бөлісіңіз:
Жапониядағы Хагибис дауылынан қаза тапқандар саны 35-ке жетті

ТОКИО. KYODO-ҚазАқпарат – Жапония жексенбі күнгі тайфуннан аман қалғандарды құтқару жұмысын бастады. Өте көп мөлшерде жауған жауын-шашын салдарынан тұрғын үйлердің ірі учаскелерін су алып кетті, деп хабарлайды ҚазАқпарат kyodonews-ке сілтеме жасап.

Ұқсас жаңалықтар
Венецияда төтенше жағдай енгізілді Италияда 40 мыңға жуық адам жарықсыз қалды Словакияда автобус пен жүк көлігі соқтығысып, 12 адам қаза тапты

Өзін-өзі қорғау күштерінен 27 мыңға жуық әскери қызметкер Чимкума өзенінің жағалауы опырылғаннан кейін қиын жағдайда қалған 360 адамды құтқару үшін осы өңірлерге, соның ішінде Ноганоға жіберілді.


Нагано стансасының жанындағы Шығыс Жапония теміржол компаниясының теміржол стансасында тұраққа қойылған он қатар жүрдек жолаушылар пойыздарын, есепсіз нысандар мен тұрғын үйлерді тасқын су алып кетті.

Құтқарушылар су басқан үйлердегі тұрғындарды құтқару үшін тікұшақ пен қайықтарды пайдаланды.


Жапонияның басты аралы Хонсюде 6 миллионнан астам адамға эвакуация жасауға кеңес берілген. Пойыз операторлары теміржол қатынасына шектеу қойған, ал астаналық және оған жақын аудандардың әуежайлары әлі де жабық тұр.


Жапон метеорологиялық агенттігі Токио, Гунма, Сайтама, Канагава, Яманаси, Нагано, Сидзуока, Ниигита, Фукусима, Точиги, Ибараки, Мияги және Ивате префектуралары үшін бірден беске дейінгі шкала бойынша ең жоғары қауіп деңгейін жариялады.


Бұған дейін ҚазАқпаратта хабарланғандай, 12 экипаж мүшесі бар панамалық жүк кемесі сенбі күні кешке Токио шығанағында қатты жел мен жаңбыр болған жерде батып кеткен еді.

Жексенбі күні таңертең 1925 тонналық кеме экипажының төрт мүшесі құтқарылды, алайда оның бесеуі артынан көз жұмды. Батып кеткен кеменің үш мүшесі із-түзсіз жоғалған.


Біздің каналымызға жазылыңыз:

Бөлісіңіз:

Автор:

- Біржанқызы Сабина

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT