Жапонияда құс тұмауы шықты:  67 мың тауық жойылды
2021 жылғы 4 желтоқсан 09:42

Жапонияда құс тұмауы шықты:  67 мың тауық жойылды

ТОКИО. ҚазАқпарат - Жапонияның оңтүстік-батысындағы Кумамото префектурасының билігі жергілікті фермада құс тұмауының ошағы анықталғаннан кейін шамамен 67 мың тауықты сойды. Бұл туралы ҚазАқпарат NHK телеарнасына сілтеме жасап хабарлайды.

Тауықтардың жойылуы инфекцияның одан әрі таралуының алдын алуға мүмкіндік бергені атап өтілді. Өйткені ауру ошағы анықталған ауданнан 3 км қашықтықта басқа шаруашылықтар аумағындағы құстарда індет белгілері анықталмаған.

15 қарашада құс тұмауы салдарынан оңтүстік-батыс Кагосима префектурасында 11 мың тауық, 17 қарашада Хиого префектурасында 155 мың тауық жойылды.


Jańalyqtar

MURAǴAT