+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Жапонияда круиздік лайнерде коронавирус жұқтырғандар саны 175 адамға жетті

2020 жылғы 12 ақпан 10:00
Бөлісіңіз:
Жапонияда круиздік лайнерде коронавирус жұқтырғандар саны 175 адамға жетті

ТОКИО. ҚазАқпарат – Жапонияда карантин жарияланған Diamond Princess круиздік лайнерінде тағы 39 адамның тесті коронавирусқа оң нәтиже берді. Індет жұқтырғандар саны 175 адамға жетті. Олардың арасында карантиндік инспектор да бар, деп хабарлайды ҚазАқпарат Japan Today-ге сілтеме жасап.

Ұқсас жаңалықтар
Павлодарда вакцинация паспортын сатқан медбике ұсталды СҚО-да 1600-ге жуық адам Pfizer вакцинасымен егілді СҚО-да коронавирус науқастарына күнделікті 9 тонна оттегі жұмсалады

Diamond Princess лайнері 3 ақпан күні Иокогамуға келгеннен кейін екі аптаға карантинге орналастырылды. Жолаушылардың бірінен коронавирус табылды.

Кеме бортында 3700 адам болған. Diamond Princess әлемдегі ірі круиздік лайнерлердің бірі Princess Cruise Lines-ге тиесілі.

Кейбір БАҚ-тың мәлімдеуінше, үкімет егде жастағы адамдар мен созылмалы ауруы бар адамдарға карантин мерзімі аяқталғанға дейін, 19 ақпанға дейін жағаға шығуға рұқсат беру мәселесін қарады, бірақ оларды қайда жіберу керектігін анықтау үшін уақыт қажет.

Japan Times ағылшын тілді газетінің дерегі бойынша, круиздік кемедегі жолаушылардың 80%-ы 60 жастан асқандар, соның ішінде 215 адам 80 жастан асқан және 11 адам 90-нан асқан.

Kyodo агенттігі денсаулық сақтау министрлігіне сілтеме жасап хабарлағандай, 39 адамның 10-ы экипаж мүшесі. Ауру жұқтырғандар арасында 10 Жапония азаматы, қалғандары 11 елдің, соның ішінде АҚШ пен Қытай азаматтары. Төртеуі ауыр халде жатыр.

Еске салсақ, бұған дейін Жапонияның круиз лайнерінде коронавирус жұқтырғандар саны 70-ке жеткені туралы хабарлаған болатынбыз .


Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT