Жапонияда бір тәулікте мыңнан астам адам коронавирус жұқтырды

ТОКИО. Кyodo – ҚазАқпарат – Жапонияда коронавирус жұқтырғандар саны соңғы 3 айдың ішінде алғаш рет бір тәуліктің ішінде мыңнан асты, деп хабарлайды ҚазАқпарат Kyodo News-ке сілтеме жасап.

Елде 1268 жағдай тіркелді. Токиода үкімет 151 жағдайды растады. Соңғы рет ел астанасында 8 қазанда 135 адам коронавирус жұқтырған болатын. Сейсенбі күні Осака префектурасында 124 адамның індетке шалдыққаны хабарланды. Бұл өңірде 14 қазаннан бері алғаш рет 100-ден асып отыр.

Окинавада префектура үкіметі 225 жағдай тіркелгенін хабарлады. 16 қыркүйектен бастап Omicron штамын 200-ден астам адам жұқтырған.

Токиода және Жапонияның басқа жерлерінде COVID-19 жұқтырғандар саны өсіп жатыр.