Жапонияда 1000 автомобиль қар құрсауында қалды

None
None
ТОКИО. KYODO NEWS – ҚазАқпарат - Жол операторының айтуынша, жұма күні толассыз қар жауып, салдарынан Токиодан солтүстікке қарай тасжолда 1000-ға жуық көлік қар құрсауында қалған. Полиция көліктерді ашық жолдарға бағыттады, деп хабарлайды ҚазАқпарат Kyodo News агенттігіне сілтеме жасап.

Канэцу автомагистралінің қатты зардап шеккен учаскелеріне қар тазартқыштар мен басқа да құралдар жұмылдырылды, ал құрлықтағы өзін-өзі қорғау күштерінің әскери қызметшілері зардап шеккен аудандардағы апаттарды жою жұмыстарын жалғастырды.

«Мен қатты уайымдап, ұйықтай алмадым. Себебі болып жатқан жағдайдан еш ақпарат болмады», – деді Ниигатаан Токиоға үйіне бара жатқан 48 жастағы ер адам.

Азық-түлік, жанармай, көрпе және тасымалды дәретханалар кептеліп қалған көлік жүргізушілеріне таратылды.

Жапон метеорологиялық агенттігі қатты қар жұмаға дейін зардап шеккен аймақта, негізінен Жапон теңізінің жағалауындағы аудандарда жалғасады деп болжайды және тайғақ жолдар қозғалыстың одан әрі бұзылуына әкелуі мүмкін деп ескертеді.

Полиция мен жол операторының мәліметінше, бейсенбіде көлік кептелісі бір жерде 16,5 шақырымға дейін созылған.


Соңғы жаңалықтар