+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Жапония коронавирусқа байланысты төтенше жағдай режимін тағы ұзартты

2021 жылғы 10 қыркүйек 02:21
Бөлісіңіз:
Жапония коронавирусқа байланысты төтенше жағдай режимін тағы ұзартты

ТОКИО. Кyodo- ҚазАқпарат - Жапония үкіметі бейсенбіде COVID-19 төтенше жағдайын Токио мен басқа да көптеген аудандарда ұзарту туралы шешім қабылдады, деп хабарлайды ҚазАқпарат Кyodo агенттігіне сілтеме жасап.

Ұқсас жаңалықтар

Жапонияның 47 префектурасының 21 -ін қамтитын төтенше жағдай режимі жексенбіде аяқталуы керек еді. Бірақ Хоккайдо, Айчи, Осака және Фукуоканы қосқанда 19 префектурада 30 қыркүйекке дейін күшінде қалады.

Премьер-министр Ёсихиде Суга COVID-19 жағдайлары бүкіл ел бойынша азайғанын айтты, бірақ ауыр симптомдары бар науқастар әлі де көп.

«Біз инфекцияның жаңа толқындарына дайын болуымыз керек, бірақ сонымен бірге коронавирус жағдайында әлеуметтік-экономикалық саладағы әрекетімізді жалғастыруымыз керек»,- деді ол баспасөз мәслихатында.

Үкіметтің соңғы мәліметтері бойынша, Жапония халқының 49 пайызы немесе шамамен 62 миллион адам COVID-19 вакцинасының екі дозасын алған.

Төтенше жағдай Токиода 12 шілдеден бастап күшіне енді және көрермендерсіз өткізілген Олимпиадалық және Паралимпиадалық ойындар кезінде екі рет ұзартылды.

Тамыздың ортасында бүкіл ел бойынша күнделікті инфекциялардың саны 25 мыңнан асты, бірақ содан бері шамамен екі есе азайды, бейсенбіде 10,401 жағдай тіркелді.

Коронавирустың алдын алу бойынша үкіметке кеңес беретін сарапшылар тобы сәрсенбіде төтенше жағдайды аурухана төсегінің толуы 50 пайыздан төмен болған жағдайда және ауыр немесе орташа белгілері бар науқастардың саны азайған кезде ғана алып тастау керектігін айтты.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT