+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Жапон жанкүйерлері Ольга Рыпакованы Олимпиада ханшайымы деп атады

2021 жылғы 24 шілде 01:24
Бөлісіңіз:
Жапон жанкүйерлері Ольга Рыпакованы Олимпиада ханшайымы деп атады

ТОКИО. ҚазАқпарат - Қазақстан құрамасы Токиодағы Олимпиада ойындарының ашылу салтанатында жанкүйерлерді тамсандырды. Қамшыбек Қоңқабаевпен бірге еліміздің туын көтеріп шыққан Ольга Рыпакованың киім үлгісін көпшілік жылы қабылдады, деп жазады Olympic.kz.

Ұқсас жаңалықтар
Қазақстандық оқушылар Балқан Олимпиадасында бес медальға ие болды

Олимпиаданың ресми түрде ашылуына бірнеше күн қалғанда Forbes шолушысы команданың формасын ең стильді киім үлгілері қатарына жатқызған болатын.

Жанкүйерлер мен көрермендер үшін ту ұстайтын спортшыларға арнайы тігілген киім тосынсый болғаны анық.

Токио ойындарының ашылу салтанатында Қазақстан командасы боксшы Қамшыбек Қоңқабаев пен жеңіл атлет Ольга Рыпакова бастап шықты.

Олардың киім үлгілері Ұлттық олимпиада комитетінің тапсырысы бойынша арнайы тігілді.

Киім үлгісін дайындау барысына Әбілхан Қастеев атындағы Мемлекеттік мұражай өнерінің мамандары атсалысса, дизайн және киімді тігумен танымал алматылық модельер Виолетта Иванова айналысты.

Әдемі көйлек Ольга Рыпакованың сымбатын одан әрі арттыра түсті. Шетелдік жанкүйерлер де олимпиада чемпионының киім үлгісін жоғары бағалап, мақтау сөздерін жаудырып жатыр.

«Олимпиадашылар киген костюмнің ішіндегі ең әдемісі. Мен Жапонияданмын. Сіздің командаңызға ойында сәттілік тілеймін».

«Мен Италияданмын. Бұл қыз - мен үшін ең әдемі ту ұстаушы».

«Ол керемет. Атын білсе бола ма?».

Сондай-ақ, жанкүйерлер ҰОК Instagram парақшасының Direct-не тоқтаусыз жазып жатыр.

«Сондай әдемі! Көптеген жапондықтар осылай ойлайды».

Одан бөлек, біздің спортшылар мен ту ұстаушылар олимпиадашылар шеруіне дейін де, кейін де көпшілік назарында болды.

Олимпиада ауылындағылардың барлығы дерлік біздің Рыпакова және Қоңқабаев сынды спортшыларымызбен суретке түсуге асықты.

Фото: Getty Images


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT