+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Жансейіт Түймебаев Молдова елшісімен кездесті

2019 жылғы 3 қыркүйек 01:26
Бөлісіңіз:
Жансейіт Түймебаев Молдова елшісімен кездесті

НҰР-СҰЛТАН. ҚазАқпарат – Қазақстан халқы Ассамблеясы төрағасының орынбасары Жансейіт Түймебаев Молдова Республикасының Қазақстан Республикасы мен Ресей Федерациясындағы Төтенше және өкілетті Елшісі Андрей Негуцамен кездесті, деп хабарлайды ҚазАқпарат тілшісі.

Ұқсас жаңалықтар
Нұр-Сұлтанда «Шығыс қырлары» фестивалі өтті

Елші Нұр-Cұлтан қаласындағы Достық үйі мен ҚХА этномәдени бірлестіктердің қызметімен танысты.

ҚХА Төрағасының орынбасары ассамблея тарихын баяндады және 2007 жылдан бері жоғарғы заңнамалық органға 9 депутат сайлайтын конституциялық құқық иеленгенін атап өтті.

Қазақстанда жалпы саны 1025 этномәдени бірлестік, 40 Достық үйі жұмыс істейді. Отбасында толеранттылықты сіңіру үшін барлық өңірде Қоғамдық келісім кеңестері мен Аналар кеңесі құрылған. 209 мектепте ұлттық оқыту тілі қолданылады, оның ішінде 24 мектеп өзбек, ұйғыр, тәжік тілдерінде толық оқытады және 139 мектеп аралас тілде білім береді.

Орыс, ұйғыр, корей, неміс, өзбек театрлары жемісті еңбек етуде. Ұйғыр, кәріс және неміс театрлары 2017 жылы академиялық дәреже алды. Одан бөлек, Қазақстанда этномәдени бірлестіктерден 52 БАҚ 15 тілде тіркелген.

«Қазақстанда 15 мыңға жуық молдован бейбітшілік пен келісімде өмір сүріп келеді. Біз олардың тілі мен мәдениетін құрметтейміз. Жексенбілік мектептер мен үйірмелерде жиналып, өз тілі мен салт-дәстүрлерін дамыта алады», - деді Ж. Түймебаев.

Өз кезегінде елші А.Негуца Қазақстандағы молдавиялық диаспораның мемлекеттік саясатты қолдайтынын және оларға бар жағдай жасалғанын атап өтті.

«Қазір Молдова диаспорасы бюросының жетекшісі байқауы аяқталып қалды, бұл - Молдова үкіметі жанындағы агенттік. Мұнда жетекшімен бірге бюроның тұтас ережесі өзгереді. Дәл осы бюро көп септігін тигізеді деп ойлаймын», - деді А. Негуца.

Оның айтуынша, Молдова мен Мәскеуден шығармашылық тұлғаларды шақыру арқылы Қазақстандағы молдавиялық диаспорамен мәдени байланысты арттыру жоспарланып отыр.

ҚХА баспасөз қызметінің хабарлауынша, қазіргі уақытта Қазақстанда 500-ге жуық румындықтар мен 15 мың молдовандар тұрады.

Қазақстандағы румын-молдован қауымдастығы 2002 жылы Алматы қаласында құрылған. Қауымдастық құрамына молдовалық «Стругураш» мәдени орталығы (Алматы қаласы), «Дакиа» румын мәдени қоғамы» ҚБ (Қарағанды облысы) және «Буковина» румын-молдаван этномәдени бірлестігі» (Павлодар облысы) кіреді.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT