Жансейіт Түймебаев: Қазақ тілін ұлтаралық тіл деңгейінде қолданатын кез жетті

НҰР-СҰЛТАН. ҚазАқпарат – Елордада «Ұлы даланың ұлтаралық тілі» республикалық форумы өтіп жатыр, деп хабарлайды ҚазАқпарат тілшісі.

Ұқсас жаңалықтар

Алматыда «Ұлы даланың ұлтаралық тілі» атты конгресс  өтті

Баланың танымын қалыптастыратын мультфильмдердің бәрі қазақ тілінде болуы тиіс – Елизавета Седышева Қазақтың сөз құдіреті ұлттық классикалық әндердің мәтінінде жатыр – Денис Яковлев Молдаван қызы: Қазақ тілінде жазылған ғылыми материалдар мен әдебиеттер жеткіліксіз

«Қазақстан халқы Ассамблеясы Тәуелсіздік күні қарсаңында «Ұлы даланың ұлтаралық тілі» атты республикалық форум өткізіп отыр. Форумның мақсаты – Қазақстан халқының 30 пайызын құрайтын басқа ұлттардың қазақ тілін – мемлекеттік тілді ұлтаралық тіл ретінде қолданып жатқанын көрсету. Осыған орай қазақ тілін жетік меңгерген орыс, украин, поляк, эстон, күрд, кәрістер 14 облыстан және Нұр-Сұлтан, Алматы, Шымкент қалаларынан келіп отыр», - деді Қазақстан халқы Ассамблеясы төрағасының орынбасары – хатшылық меңгерушісі Жансейіт Түймебаев форум алдында тілшілерге берген сұхбатында.

Жансейіт Түймебаевтың айтуына қарағанда, Қазақстан халқы Ассамблеясының бүгінгі форумы тек қазақ тілінде өтеді.

«Осы орайда айтпағым: Елбасымыздың «Елге деген көзқарас – тілге деген көзқарас» деген сөзін атап өткім келеді. Сондықтан, мемлекетімізде өмір сүріп жатқан барлық ұлттың қазақ тілін – мемлекеттік тіл есебінде, ұлтаралық тіл есебінде қолданатын кезі жетті. Президентіміз Қасым-Жомарт Кемелұлы Тоқаев Қазақстан халқына Жолдауында «қазақ тілі таяу келешекте ұлтаралық тіл ретінде қызмет атқаруы қажет» деген сөзін еске салсам деймін. Міне, осы жұмыстардың жүзеге аса бастағанын көрсету мақсатында осындай форумды бірінші рет ұйымдастырып отырмыз», - деді ол.