+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Жаңқош Тұраров елордадағы бокс кешінде WBO белдігі үшін айқасады

2019 жылғы 19 маусым 17:43
Бөлісіңіз:
Жаңқош Тұраров елордадағы бокс кешінде WBO белдігі үшін айқасады

НҰР-СҰЛТАН. ҚазАқпарат - Қазақстандық кәсіпқой боксшы Жаңқош Тұраров (23-0, 16 KO) 6 шілде күні өтетін бокс кешінде WBO Inter-Continental чемпиондық белдігі үшін жекпе-жекке шығады, деп хабарлайды ҚазАқпарат тілшісі.

Еске сала кетсек, Жаңқош Тұраров 6 шілде күні елордадағы «Барыс-Аренадағы» бокс кешінде өнер көрсететіні бұған дейін хабарланған болатын. Көп өтпей Қазақстан кәсіпқой бокс федерациясы оның қарсыласының есімін атаған. Аталмыш кеште Жаңқош аргентиналық Мауро Годомен (31-4-1, 16КО) қолғап түйістіреді.

«Қазақстан кәсіпқой боксы» ВКонтакте парақшасында хабарлағандай, Нұр-Сұлтан қаласындағы бокс кешінде 11 жекпе-жек өтеді. Оның төртеуі титулдық дәрежеде болса, 1-і WBC әлемдік белдігі үшін өтеді.

«Басты жекпе-жекте отандық боксшы Жаңқош Тұраров бірінші орта салмақтағы WBO Inter-Continental чемпиондық белдігі үшін айқасады», - делінген хабарламада.

Кешті MTK Global-мен бірге Тop Rank америкалық промоутерлік компаниясы өткізеді. Оны америкалық ESPN телеарнасы тікелей эфирден көрсетеді. Top Rank-тың басты клиенттері ретінде Теренс Кроуфордты (35-0, 26КО), Василий Ломаченконы (13-1, 10КО) атап өтуге болады. Аталмыш промоутерлік компанияда, сонымен бірге Жәнібек Әлімханұлы (6-0, 2КО), Асхат Уәлиханов (4-2, 2КО) пен Сағадат Рахманқұлов (4-1, 2КО) бар.

Біздің каналымызға жазылыңыз:

Басты сөздер: Нұр-Сұлтан, Спорт, Бокс,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT