Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Жанкент қалашығы туристік нысанға айналады

2019 жылғы 15 тамыз 01:41 114
Бөлісіңіз:
Жанкент қалашығы туристік нысанға айналады

ҚАЗАЛЫ. ҚазАқпарат - Қызылорда облысы Қазалы ауданы аумағында орын тепкен Жанкент қалашығын туристік нысанға айналдыру мақсатында ауқымды қазба жұмыстары жасалып келеді. Бұл бағытта жергілікті археологтар Германия және Ресей ғалымдарымен бірге жұмыс жасауда, деп хабарлайды ҚазАқпарат тілшісі.

Ұқсас жаңалықтар
Қармақшыдағы Жыраулар үйінің шәкірттері Әзербайжанда жеңімпаз атанды «Аймақты әнмен тербетіп»: Ақтөбеде республикалық өнер мерекесі өтті Аршалыда «Рухани жаңғыру» бағдарламасы шеңберінде 164 жоба жүзеге асырылған

Жанкент қалашығы Қазалы ауданына қарасты Жанкент ауылынан оңтүстік-шығысқа қарай 500 метрде орын тепкен. Жанкент X-XI ғасырларда оғыздардың ордасы болған деген деректер айтылады. Республикалық маңызы бар тарих және мәдениет ескерткіш «Қазақстанның киелі жерлерінің географиясы» жобасы аясында облыстың жалпыұлттық қасиетті нысандар тізіміне енгізілген. Биыл Жанкент қалашығында кешенді археологиялық және қайта жаңғырту шаралары атқарылуда.

Биылғы археологиялық жұмыстарды неміс және орыс ғалымдарымен бірге Қорқыт ата атындағы Қызылорда мемлекеттік университеті жанындағы «Археология және этнография» ғылыми-зерттеу орталығы қолға алды. Оған орталық жетекшісі Әзілхан Тәжекеев басшылық жасайды.

Археологиялық шаралар облыс әкімдігі жанындағы Қызылорда облысының тарихи-мәдени мұраларын қорғау және пайдалану жөніндегі ғылыми-әдістемелік кеңестің шешімімен қолға алынған. Бұл шараларға облыстық бюджет есебінен қаржы бөлінді. Биыл қалашықты туристік нысанға айналдыру мақсатында ауқымды қазбалар шаралары жүзеге асты. Аршылған құрылыс нысандарын қалпына келтіру, сақтау жұмыстарына да көңіл бөлінді.

Биылғы жылдың тамыз-қыркүйек айлары аралығында Германияның Тюбенген университеті, Ресей Федерациясының Николай Миклухо-Маклай антропология институты ғалымдары археологиялық зерттеу шараларын жүргізіп келеді. Бұл мақсатта аталмыш зерттеу орындарымен Қорқыт ата атындағы Қызылорда мемлекеттік университеті арасындағы меморандум жасалған. Нәтижесінде Жанкент қаласында геомарфология, геофизика, топырақтану бағыты бойынша маңызды жобалар жасалуда. Бұл бағытта неміс, орыс ғалымдары өз қорытындысын ұсынып, қызылордалық археологтармен бірге бірлескен археологиялық зерттеу шараларын жалғастырып келеді. Қазіргі күні неміс және орыс ғалымдары Генрих Харке, Ирина Аржанцева Жанкент қалашығында өз жұмыстарын атқарып келеді.

«Қазба жұмыстарымен қатар, қалашықтың шығыс қорғаныс қабырғасына ҚР Мәдениет және спорт министрлігі тарапынан республикалық бюджет есебінен қайта жаңғырту шаралары да атқарылып келеді. Бұл бағытта «Қазреставрация» мекемесі қалашықтың шығыс қорғаныс қабырғасынының өзекті және құлау қаупінде тұрған жерлерін сақтау, бекіту, қалпына келтіру жұмыстарын жүргізуде», - деді «Археология және этнография» ғылыми-зерттеу орталығының жетекшісі Әзілхан Тәжекеев.

Еске салсақ,  Жанкент қалашығы ЮНЕСКО-ның мәдени мұралар тізіміне енгізілетіндігі туралы хабарлаған болатынбыз.



Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT