Жәнібек Әлімханұлы жекпе-жек алдында жарақат алып қалған
2022 жылғы 23 мамыр 20:40

Жәнібек Әлімханұлы жекпе-жек алдында жарақат алып қалған

НҰР-СҰЛТАН. ҚазАқпарат – Орта салмақтағы WBO белбеуінің иегері Жәнібек Әлімханұлының менеджері Берік Сұлтан өзінің youtube-арнасында спортшының жекпе-жекке дейін алған жарақаты туралы айтты, деп хабарлайды ҚазАқпарат.

«Айқасқа екі апта уақыт қалды. Осы жекпе-жек болмай қалады-ау деп уайымдадым. Спарринг кезінде Жәнібек бауырдан соққы жасау барысында сол қолының саусағын қатты жарақаттап алды. «Болды, саусағы сынды ғой» деп ойладым. Өйткені біз АҚШ-қа алғаш рет келгенде, бүйірден ұрған кезде, тура сол жерін сындырған болатын, біз оған жеті мың долларға ота жасаттық. Мен жекпе-жектің болмайтынына 95%-ға сенімді болдым, төрт ай бойы біз АҚШ-та болдық көп жұмыс істелді, қаншама тер төктік, жекпе-жек күзге ауысады-ау деп ойладым. Бірақ қолы сынбаған, сәл ауыртып алған», — деді менеджер Жәнібек туралы деректі фильмде.

Еске сала кетейік, Жәнібек Әлімханұлы 22 мамыр күні британдық спортшы Дэнни Дигнумды нокаутқа жіберіп, орта салмақта WBO титулын иеленген болатын.


Серіктестер жаңалықтары

Jańalyqtar

Үрдіс

MURAǴAT