Жаңбырлы күні неліктен ағаштар суарылып жатыр – «Астана Зеленстрой» түсіндірді
2022 жылғы 10 тамыз 17:54

Жаңбырлы күні неліктен ағаштар суарылып жатыр – «Астана Зеленстрой» түсіндірді

НҰР-СҰЛТАН. ҚазАқпарат – Елордада жаңбырлы күні ағаш суарған видео әлеуметтік желіге тарады. Осыған байланысты қала әкімдігі «Астана Зеленстрой» ЖШС жауабын жариялады, деп хабарлайды ҚазАқпарат тілшісі.

«Астана Зеленстрой» компаниясы жасыл желекті азықтандыру мәселесіне қатысты түсінік берді.

«Астана-Зеленстрой» ЖШС ағаштардың тамыр жүйесіне минералды тыңайтқыштар жіберу жұмысын жүргізіп жатыр. Бұл процедура тек бұлтты және жаңбырлы ауа райында жасалады», - деп хабарлады компания.

Компанияның айтуынша, жақсы нәтижеге қол жеткізу үшін минералды кешенді тыңайтқыштар ылғалды топыраққа қолданылады.

Тыңайтқыш суда ериді және суару көліктерінен шашылады.

Бұған дейін хабарланғандай, Нұр-Сұлтанда соңғы күндері қатты жаңбыр, бұршақ және найзағай болады. Бүгін жел екпіні 20 м/с дейін күшейеді деп күтіліп отыр.

Видеодан алынған кадр


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT