+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Жаңартылатын энергия: Мұнай компаниялары алғашқы жобаларын іске қосады

2019 жылғы 30 қыркүйек 17:02
Бөлісіңіз:
Жаңартылатын энергия: Мұнай компаниялары алғашқы жобаларын іске қосады

НҰР-СҰЛТАН. ҚазАқпарат - Бүгінгі таңда Қазақстанда жаңартылатын энергетика бағытында 81 нысан жұмыс істеп тұр. Олардың толық қуаттылығы – 930 мегаватт. Жыл соңына дейін жаңартылатын энергия көздерінің тағы 5 нысаны іске қосылады. Бұл туралы рrimeмinister.kz-ке берген сұхбатында ҚР Энергетика министрлігі Жаңартылатын энергия көздері департаментінің директоры Айнұр Соспанова айтты, деп хабарлайды ҚазАқпарат.

Ұқсас жаңалықтар
Елімізде жаңартылатын энергия көздерін дамыту үшін мемлекеттік қолдау шаралары әзірленеді Жаңартылатын энергетиканы дамытудың алғашқы нәтижелері қандай Ақтаудағы мектепте күн электр стансасы іске қосылды

Оның айтуынша, инвесторлар мен есеп-қаржы орталығы арасында жасалған келісімшарттар 3 мың мегаваттқа жақындады. Қазақстан үшін бұл айтарлықтай көлем. Осы 3 мың мегаватт біртіндеп салынып, еліміздің энергетикалық теңгеріміне енгізілетін болады.

Бұған қоса, А. Соспанова 2019 жылы Қазақстанда нысандар белсенді түрде пайдалануға беріліп жатқанын атап өтті. 2019 жылдың қорытындысы бойынша, елімізде бекітілген қуаттылығы 960 мегаватты құрайтын 86 нысан болады. Алдын ала бағалауларға сәйкес, бұл жобалар елімізге 1 млрд долларға жуық қаржы тартуы тиіс.

«Бұл инвестициялар жұмыс орындарын құрып, салық төлеп, «жасыл» энергияны өндіруге мүмкіндік береді. Бұдан өзге, әрине, бұл инвестициялардың тиімділігі – жаңа саланың құрылуы және біздің қазақстандық мамандардың оқытылуы. Мұнда Kegoc жүйелік операторы да, желілік ұйымдар да тартылған», — деді А. Соспанова.

Таяуда ғана Қарағанды облысында қуаттылығы 50 мегаватт болатын күн станциясы пайдалануға берілді. Бұл жобаға инвестиция салған неміс инвесторы Қазақстандағы жаңартылатын энергетика жобаларын бұрыннан дамытып келеді.

Сондай-ақ А. Соспанованың сөзінше, республикада басқа елдердің инвесторлары белсенді жұмыс істейді. Бұдан өзге, ол қазіргі заманға сай есте қаларлық үрдісті атап өтті. Мұнай алыптары жаңартылатын энергетика жобаларын дамыта бастады.

«Shell, Eni, Total, Iren сияқты мұнай компаниялары жаңартылатын энергия көздері бойынша жобаларды дамытуда және келесі жылы Қазақстанда мұнай компанияларының алғашқы жобалары жұмыс істейтін болады. Біз үшін бұл Қазақстанда мұнай-газ саласында 20 жылдық тәжірибесі бар тұрақты инвесторлардың жаңартылатын энергия көздеріне келуінің жақсы белгісі. Бұл өте жақсы. Біз Қазақстанды, біздің заңнамамызды жақсы білетін осындай инвесторлардың тізімі Қазақстан туралы жақсы біліп келеді және жаңаратын энергия көздеріне үлестерін қосатын болады деп үміттенеміз», — деді ҚР Энергетика министрлігі Жаңартылатын энергия көздері департаментінің директоры Айнұр Соспанова.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT